რას გაუგებ მდიდრების ახირებას, ზოგი როგორ იყენებს დაგროვილ ქონებას და ზოგი როგორ. ბევრი მდიდარი სიკვდილის წინ, საკუთარ ქონებას ცხოველებს თუ ფრინველებს უტოვებს. ისინი მდიდარი პატრონის განსაკუთრებული სიყვარულით სარგებლობდნენ და დღეს მილიონობით ქონების პირდაპირი მემკვიდრეები არიან.
წარმოგიდგენთ 10 უმდიდრეს შინაურ ცხოველს/ფრინველს:
10, გიუნტერ IV
როცა გრაფინია კარლოტა ლიბენშტეინი 1991 წელს გარდაიცვალა, მან თავისი მთელი ქონება, 80 მილიონი დოლარი თავის ძაღლს, გერმანულ ნაგაზს, გიუნტერ III-ს დაუტოვა. ქონება გაზრდილია და უკვე 300 მილიონზე მეტს შეადგენს, რომელიც ახლა უკვე გიუნტერ IV-ს ეკუთვნის. ძაღლი ფლობს სხვადასხვა იახტებსა თუ ვილებს და სხვა სახის ძვირადღირებულ ქონებას. აი, მას ნამდვილად, ძაღლის ბედი აქვს.
9, კატა გრამფი
ინტერნეტით გაპოპულარულებული მოწყენილ სახიანი ფისუნია. გრამფის ქონება ამ ეტაპზე მილიონ დოლარად არის შეფასებული, თუმცა ამბობენ, რომ 100 მილიონიც აქვს ამ კატას ქონებად. გრამფის პატრონები ამბობენ, რომ ეს გაზვიადებული ინფორმაციაა, მაგრამ არ ამბობენ, თუ რამდენად…
8, პუდელი ტობი
სიცილიური მაფიის ნიუ-იორკული ოჯახის წევრი ელა ვენდელი ფენომენალური სიმდიდრის მქონე იყო. მოოქროვილი ოთახები, მილიონები… მისი გარდაცვალების მერე ანდერძით მთელი ქონება მის პუდელ ტობის დარჩა.
7, ბლეკი
გინესის რეკორდების წიგნშიც კი შევიდა კატა სახელად ბლეკი, რომელსაც პატრონმა, უძრავის ქონების აგენტმა, 1988 წელს ანდერძით 13 მილიონი დოლარი დაუტოვა. დღეს გრამფი კატაა მისი კონკურენტი და სავარაუდოდ, მასზე მეტი ქონების მფლობელი.
6, ტომასო
კიდევ ერთი ძალიან მდიდარი კატა. მისი ისტორია კონკიას ზღაპარს ჰგავს. მაწანწალა ტომასო მოხუცმა ქალმა შეიფარა, რომელიც მდიდარი იტალიელი აღმოჩნდა. პატრონმა მას ანდერძით 13 მილიონი დოლარი დაუტოვა.
5, შეწუხება
მსოფლიოს სენსაცია იყო როცა პატრონმა ქალმა თავის ტერიერს, სახელად „შეწუხებას“ 12 მილიონი დოლარი დაუტოვა ანდერძით. ტერიერი საბოლოდ მკბენარა ძაღლად შეფასდა და სიცოცხლის დარჩენილი წლები ერთ-ერთ სასახლეში გაატარა გამოკეტილმა.
4, კონჩიტა
ჩიხუახუა, სახელად კონჩიტა, ცნობილია, როგორც ყველაზე განებივრებული ძაღლი. მას პატრონმა 8 მილიონი დოლარი დაუტოვა ქონებად, მანამდე კი ძვირფასი თვლებით, ძვირადღირებული სამოსით და სპეციალურად მისთვის შექმნილი სახლებით თუ მანქანებით ანებივრებდა.
3, გიგუ
ეს ერთადერთი ქათამია, რომელსაც პატრონმა სიკვდილის მერე, სიყვარულის ნიშნად, 10 მილიონი დაუტოვა.
2, ჩუნმუნი
მაიმუნი, რომელიც 8 მილიონის მფლობელია.
1, ჩოუპიტი
დიზაინერ კარლ ლაგერფელდის კატა. ის მსოფლიოს ყველაზე ცნობილი და მდიდარი კატა იყო. ლაგერფელდი მასზე ჭკუას კარგავდა. კატა პოპულარობის გამო თვიურად 3 მილიონ დოლარს გამოიმუშავებდა.