სოფელ ბობოყვათის მცხოვრებლებსა და სამართალდამცავებს შორის დაპირისპირება მოხდა. პოლიციამ აქციის 10-მდე მონაწილე დააკავა.
აქციის მონაწილეებმა პროტესტის ნიშნად ბათუმი-თბილისის დამაკავშირებელი სარკინიგზო მონაკვეთი გადაკეტეს, რის შემდეგაც პოლიციელებმა რამდენიმე მათგანი აქციის ტერიტორიიდან გაიყვანეს.
ამ წუთებში აღნიშნულ სარკინიგზო მონაკვეთზე მატარებლის მოძრაობა აღდგენილია.
ცნობისთვის, სოფელ ბობოყვათის მცხოვრებლები აცხადებენ, რომ ისინი ზღვისპირა ზოლში მიწების დაბრუნებას ითხოვენ.
აქციის მონაწილეების თქმით, აღნიშნული მიწის ნაკვეთები წინაპრებმა დაუტოვეს, რომელიც 2004 წელს სახელმწიფომ ჩამოართვა. მათი განცხადებით, 150-მდე მესაკუთრის მიწის ნაკვეთები, მთავრობამ აუქციონზე გაიტანა.