პორტუგალია-უნგრეთის მატჩის წინ, ბუდაპეშტში გამართული პრესკონფერენციაზე, პორტუგალიელმა ფეხბურთელმა კრიშტიანუ რონალდუმ მის წინ განთავსებული კოკა-კოლას ორი ბოთლი დემონსტრაციულად გასწია, სანაცვლოდ კი წყალი აიღო და პორტუგალიურ ენაზე წარმოთქვა “Agua”, რითაც დამსწრე საზოგადოებას მიანიშნა, რომ წყალი უნდა დალიონ.
ამ ჟესტის შემდეგ, ჩემპიონატის ოფიციალური სპონსორის, კოკა-კოლას აქციებზე ფასი 1.6%-ით, – $55-მდე დაეცა და სამშაბათს მისი საბაზრო ღირებულება დაახლოებით $4 მილიარდით იყო შემცირებული.