ერთიანი ნაციონალური მოძრაობის წევრმა, თინათინ ბოკუჩავამ განაცხადა, რომ ის პირები, რომლის მიმართაც ახლა გამოძიება მიმდინარეობს, შესაძლოა, ისევ აგრძელებდნენ ნინიწმინდის პანსიონში დანაშაულის ჩადენას.
“გაირკვა, რომ 2016 წლიდან დღემდე მიმდინარეობს გამოძიება 4 სხვადასხვა საქმეზე. საქმე ეხება სავარუდო ძალადობის ფაქტს და ერთი ეხება სავარაუდო გაუპატიურების ფაქტს. აქ საუბარია ბავშვებზე, რომლებიც, შესაძლოა, 5 წლის განმავლობაში განგრძობათად არიან მსხვერპლი ამგვარი დანაშაულისა. შესაძლებელია, რომ ის პირები, რომლის მიმართაც ახლა გამოძიება მიმდინარეობს, განგრძობათად აგრძელებენ ამ დანაშაულის ჩადენას. წარმოუდგენელია, ის დანაშაულებრივი გულგრილობა, რომელსაც ხელისფლება ამ ვითარებაში ავლენს”, – განაცხადა თინათინ ბოკუჩავამ.
ბოკუჩავამ, ასევე, აღნიშნა, რომ ამ საქმეში როლი ეკისრება პარლამენტს და ენმ პარლამენტში შესვლისთანავე აპირებს, მოითხოვოს ადამიანის უფლებათა კომიტეტის მოწვევა.
