გარდაცვლილი ექთნის, მეგი ბაქრაძის ადვოკატები გლდანი-ნაძალადევის პოლიციის მერვე განყოფილებაში საქმის მასალებს ეცნობიან. მათი განცხადებით, არსებობს ახალი გარემოება, რომლითაც გამოძიება უნდა დაინტერესდეს. ამის შესახებ ინფორმაციას რუსთავი 2 ავრცელებს.
“საქმეს დაემატა ახალი მტკიცებულებები, ეს არის შპრიცები, რომლითაც იმუნიზაცია მოხდა. ამასთან, გამოძიებასთან ასევე უნდა გავიაროთ ერთი მნიშვნელოვანი საკითხი, უნდა დაიწყოს ვიოლეტა ინასარიძის მიმართ გამოძიება, სამსახურებრივი გულგრილობის მუხლით. ამის საფუძველი უკვე არსებობს, თუმცა გამოძიება ჯიუტად არ იწყებს მოქმედებას,” – აცხადებს მეგი ბაქრაძის ოჯახის ადვოკატი ვახტანგ ბარამაშვილი.
ადვოკატები ასევე ამბობენ, რომ პასუხისმგებელ პირთა წრე ამ საქმეზე აუცილებლად უნდა გაფართოვდეს.
“საუბარია რეანიმატოლოგ გიორგი აფციაურზე, ის იკვეთება ცრუ ინფორმაციის ფაქტებთან, ჩვენების შეცვლასთან, სამსახურეობრივ გულგრილობასა და სამედიცინო დოკუმენტაციის გაყალბებასთან. ამასთან დაკავშირებით, თავად კლინიკა “იმედის” თანამშრომლები საუბრობენ,”- აღნიშნავს მეგი ბაქრაძის ოჯახის ადვოკატი ნინო ამაღლობელი.
ცნობისთვის, გუშინ, 18 მარტს, ახალციხეში, კლინიკა ,იმედში, ახალგაზრდა ექთანი კორონავირუსის საწინააღმდეგო ვაქცინის, ,ასტრაზენეკას გაკეთების შემდეგ კომაში ჩავარდა. 27 წლის მეგი ბარბაქაძე გუშინ ახალციხიდან კატარსტროფის ბრიგადამ თბილისში, პირველ საუნივერსიტეტო კლინიკაში გადაიყვანა, თუმცა, მისი გადარჩენა ვერ მოხერხდა.