ახალი ამბები მთავარი სამართალი

შსს: ჰესის მოწინააღმდეგე აქტივისტის დაკავებისას განხორციელდა გამაფრთხილებელი გასროლა

შინაგან საქმეთა სამინისტროს ინფორმაციით, სოფელ საყულიეში ჰესის მოწინააღმდეგე აქტივისტის, ირაკლი მუკბანიანის დაკავებისას პოლიციამ გამაფრთხილებლად გაისროლა. უწყებამ ეს განცხადება მას შემდეგ გაავრცელა, რაც თვითმხილველებმა თქვეს, რომ სპეცრაზმმა მუკბანიანის დაკავებისას მათი მიმართულებით გაუფრთხილებლად ისროლა. მათივე თქმით, ერთი პირი რეზინის ტყვიით, მეორე კი ცეცხლსასროლი ტყვიით დაიჭრა.

უწყების განცხადებით, სპეცოპერაციის დროს გამოიყენეს “სპეციალური საშუალებები”.

“ი.მ.-ს დაკავების დროს პოლიციის თანამშრომლებს წინააღმდეგობა გაუწიეს ადგილობრივმა მცხოვრებლებმა, მოხდა თავდასხმა სამართალდამცველებზე. ადგილობრივებმა პოლიციას გადაადგილების საშუალება შეუზღუდეს, ცდილობდნენ მოსამართლის განჩინების საფუძველზე დაკავებული ბრალდებულის გათავისუფლებას, შეეცადნენ პოლიციისთვის ცეცხლსასროლი იარაღის წართმევას და უწევდნენ წინააღმდეგობას.

ამავდროულად პოლიციას ესროდნენ ქვებს და სხვადასხვა საგანს, რის შედეგადაც ჯანმრთელობის დაზიანება მიიღო პოლიციის ორმა თანამშრომელმა. სიტუაციის ესკალაციის არიდების და დაპირისპირების განმუხტვის მიზნით, პოლიციამ განახორციელა გამაფრთხილებელი გასროლა. ასევე, გამოყენებულ იქნა სპეციალური საშუალებები”, – განმარტავს შსს.

უწყების ცნობითვე, მუკბანიანს 29 მაისს, აქციის დროს პოლიციელზე თავდასხმასა და ფიზიკურ შეურაცხყოფას ედავება. დაკავებულს 4-დან 7 წლამდე ვადით თავისუფლების აღკვეთა ემუქრება. მის წინააღმდეგ გამოძიება სისხლის სამართლის კოდექსის 353-ე მუხლით მიმდინარეობს.

ავიაბილეთები იაფად
იტვირთბა....

სხვა ამბები

წილოსანი ბასილაშვილის საქმეზე: ის კადრები, რაც ვრცელდება, ბუნებრივია, იწვევს აღშფოთებას

პოლონეთში საქართველოს მოქალაქე დაიღუპა

თბილისის ზოგიერთ ქუჩას წყალი 14 საათით შეუწყდება – ჩამონათვალი

VIDEO: რუსების ყაზარმა ნოვა კახოვკაში მიწასთან გაასწორეს

“გომელაურზე გადაბიჯების გარეშე ვერავინ გასცემდა ბრძანებას” – მაჩალიკაშვილი გოგაშვილის წერილზე

მე-2 ტრაგედია ხობში – ხობისწყალში, ბავშვის დასახმარებლად შესული კაცი დაიხრჩო