ქართული ოცნება არჩევნებზე 43%-იან ბარიერს ვერ ლახავს. ამის შესახებ შიდა კვლევები ფორმულამ გამოაქვეყნა. წყაროს ინფრომაციით, პარტიის შიდა კვლევა მისივე ნდობით აღჭურვილი კომპანიის მიერ არის ჩატარებული.
კითხვაზე, ხვალ, რომ არჩევნები ტარდებოდეს, რომელ პარტიას მისცემდით ხმას? – ქართულ ოცნებას ალოკაციის გარეშე, ამომრჩეველთა მხოლოდ 21 პროცენტი ასახელებს; ალოკაციით კი 35. ამავე კვლევით, საზოგადოების 40 პროცენტს კი გადაწყვეტილი არ აქვს, ვის მისცემს ხმას.
ფორმულას ინფორმაციითვე, პარტიაში გაზომეს მერობის სავარაუდო კანდიდატების რეიტინგიც. კალაძესა და თალაკვაძეს შორის გამოკითხულთა სიმპათია მოქმედი მერისკენ გადაიხარა. კვლევების ჩატარებას პარტიის თავმჯდომარე ირაკლი კობახიძე ადასტურებს, თუმცა ფორმულას მიერ მოპოვებულ მონაცემებს უარყოფს.
ცნობისათვის, თუ მმართველი პარტია 43%-ზე ნაკლებს მიიღებს, მას რიგგარეშე საპარლამენტო არჩევნების ჩატარება მოუწევს.