aviabiletebi
ახალი ამბები მთავარი საზოგადოება

ხატია წილოსანი: რიონის ხეობაში მცხოვრებლებმა 30 მილიონ ლარზე მეტი კომპენსაცია უკვე მიიღეს

aviabiletebi
ავიაბილეთები

პარლამენტის გარემოს დაცვისა და ბუნებრივი რესურსების კომიტეტის თავმჯდომარის პირველი მოადგილის, ხატია წილოსანის თქმით, რიონის ხეობაში საკუთრებაში არსებული მიწის ნაკვეთების უმრავლესობა ინვესტორს მოსახლეობისგან უკვე გამოსყიდული აქვს. როგორც წილოსანმა რუსთავი 2-ის ეთერში აღნიშნა, კომპენსაციების ფარგლებში, ადგილობრივ მოსახლეობას კომპანიამ უკვე გადაუხადა 30 მილიონზე მეტი ლარი.

“შეიძლება ბატონი ვარლამ გოლეთიანი არ ესწრებოდა ამ განხილვას, მაგრამ ხეობაში მცხოვრები მოსახლეობისთვის  გარემოზე ზემოქმედების შეფასების კოდექსით გათვალისწინებული პროცედურების დაცვა სრულად განხორციელდა. შეხვედრები ჩატარდა 2017 და 2018 წლებში, შემდეგ განახლებული, კორექტირებული გეგმების წარმოდგენის შემდეგ კვლავ იყო კომუნიკაცია ადგილობრივ მოსახლეობასთან.

მეტსაც გეტყვით, რომ წინა პერიოდში, სანამ ჩვენ მივიღებდით გარემოსდაცვით კოდექსს, მანამდე ევალებოდა კომპანიას, რომ ჩაეტარებინა მსგავსი შეხვედრები მოსახლეობასთან, მაგრამ იქიდან გამომდინარე, რომ მოსახლეობის ჩართულობა მაქსიმალურად ყოფილიყო დაცული, ახალი კოდექსის მიხედვით, სახელმწიფოს ევალება უკვე მსგავსი შეხვედრების ჩატარება.

ორ ნაწილად გავყოთ საკითხი – ერთი, რომ პროტესტს გამოთქვამს ადგილობრივი მოსახლეობა, რომელიც ნამდვილად წარმოადგენს რიონის ხეობის მოსახლეობას და მეორე – იდეის მიმართ ლოიალურად განწყობილი ადამიანების ერთობა, რომლებიც შეუერთდნენ ამ აქციას. ამ შემთხვევაში, ჩვენ ვსაუბრობთ პირველ კატეგორიაზე და მინდა აღვნიშნო, რომ კერძო საკუთრებაში არსებული მიწის ნაკვეთების ძალიან დიდი ნაწილი კომპანიის მიერ არის გამოსყიდული ადგილობრივი მოსახლეობისგან და მიმდინარეობს იურიდიული და სამართლებრივი პროცედურების განხორციელება, რომ ეს საკითხი იყოს იურიდიულად გამართული.

რაც შეეხება კომპანიის მიერ გაცემულ კომპენსაციებს მიწის ნაკვეთების გამოსყიდვასთან დაკავშირებით, 30 მილიონზე მეტია უკვე გაცემული,” – განაცხადა ხატია წილოსანმა.

სოფელ გუმათში ნამოხვანჰესის მოწინააღმდეგეებსა და პოლიციას შორის დაპირისპირება დღეს საღამოს მოხდა. აქტივისტები ბარიკადებს მიღმა გადასვლას და ნამახვანისკენ წასვლას ცდილობდნენ, რისი უფლებაც პოლიციამ მათ არ მისცა. ამ ფაქტს მათ შორის დაპირისპირება მოყვა.

იტვირთბა....