ახალი ამბები მთავარი საზოგადოება

გოლეთიანი: თანხა მხოლოდ სცენაში გადავიხადეთ, რომელიც ჯამში დაახლოებით 25 ათასი დაჯდა

რიონის ხეობის მცევლი და ნამოხვანჰესის მშენებლობის მოწინააღმდეგეთა აქციის ლიდერი ვარლამ გოლეთიანი ყველა იმ წყაროს და კერძო პირის შესახებ ინფორაციის გასაჯაროვებას გეგმავს, რომლებიც მათ თანხებს ურიცხავენ. გოლეთიანმა TV პირველის ეთერში საუბრისას პოლიტიკოსებსა და იმ მოქალაქეებს მოუწოდებს, ვისაც რიონის ხეობის მცველების დამფინანსებლებში ეჭვი შეაქვთ, თავადაც გაასაჯაროვონ საკუთარი დაფინანსების წყაროები.

„არსებობს ინტერესი დაფინანსებასთან დაკავშირებით. ჩვენ გამოვდივართ ინიციატივით – დავდებთ ფინანსების წყაროებს, საიდანაც მოდის ეს თანხები. თუმცა, აქამდეც ვამბობთ, რომ ესენი არიან ემიგრანტები და ჩვენი თანამოქალაქეები. ეს დასაბუთდება, როცა ამ ყველაფერს გავასაჯაროვებთ. შემდეგ მოვუწოდებთ ყველა იმ ადამიანს, ვინც არის ამ ნარატივის ავტორი, საიდან ფინასდებიანო, რომ თავადაც გაასაჯაროვონ საკუთარი ფინანსები. ჩვენ დავიწყებთ ამას და შემდეგ ყველა ორგანიზაციამ, მათ შორის პოლიტიკურმა პარტიებმა, ცალკეულმა ადამიანებმა გაასაჯაროვოს.

ჩვენ გამოვალთ ამ ინიციატივით პირველი და დაველოდებით სხვები როდის გაასაჯაროვებენ ფინანსებს. ამას ისე გავასაჯაროვებთ, რომ ადამიანის უფლებები არ დაირღვეს. როცა 10 და 5 ლარს რიცხავს ადამიანი, ხვდებით, რომ ეს არის რიგითი ადამიანის ჩარიცხული და არა მსხვილი შემომწირველის?! რაც შეეხება ჩვენს დანახარჯს თბილისის აქციაზე, ჩვენ თანხა არაფერში, მათ შორის, არც ტრანსპორტირებაში არ გადაგვიხდია, მხოლოდ სცენაში გადავიხადეთ, რომელიც ჯამში დაახლოებით 25 ათასი დაჯდა. რაც შეეხება გეგმებს, ხვალ ვაპირებთ გახმოვანებას გეგმების, ვიწყებთ დამატებით შეზღუდვით პროცესებს კომპანიასთან დაკავშირებით“, – განაცხადა გოლეთიანმა.

შეგახსენებთ, რიონის ხეობის მცველები ამ დროისთვის გუმათში იმყოფებიან. მათი თქმით, კონკრეტულად სამშენებლო კომპანია ენკას არ მისცემენ ჰესის მშენებლობის უფლებას. თუმცა, ადგილზე სამართალდამცველები იმყოფებიან და ისინი რიონის ხეობის მცველებს გადაადგილების საშუალებას არ აძლევენ.

ავიაბილეთები იაფად
იტვირთბა....

სხვა ამბები

ვაშაძე კობახიძეს – ან გვარები დაასახელოს, ან ბოდიში მოიხადოს, კოლექტიური ბრალდებები მტკიცებულებების გარეშე ნიშნავს, რომ იტყუება

ჩვენთვის კანდიდატობის სტატუსი, რომც მოეცათ, ამ რეჟიმის პირობებში და NATO-სა და EU-ში გაწევრიანების შანსი 0-ია – ბოკერია

მსოფლიოს მასშტაბით ლტოლვილთა რიცხვმა 100 მილიონს გადააჭარბა

ბრიუსელში, მის კოლეგას მიაჩნია, რომ კობახიძეს შესაძლოა ჯანმრთელობის პრობლემები ჰქონდეს – ბადრი ჯაფარიძე

ბლინკენი ​- დაჟინებით მოვუწოდებ საქართველოს მთავრობას, პასუხისმგებლობა დააკისროს რუსეთს სამხედრო დანაშაულებებზე

იმედია საქართველოს არ დასჯიან იმისთვის, რომ ის უფრთხილდება თავისი მოქალაქეებს და დაღუპვისგან იცავს მათ – მდინარაძე