ამნისტიის კანონი, ნინოწმინდის ბავშვთა პანსიონში არსებული სიტუაცია – ამ და სხვა საკითხებზე მეტრონომის საპარლამენტო უმრავლესობის წევრს, გია ვოლსკის ესაუბრა.
– რას ფიქრობთ, უნდა აშენდეს თუ არა ნამახვანჰესი და გიჩნდებათ თუ არა რიონის ხეობის მცველების მიმართ კითხვები – კონკრეტულად, ვინ შეიძლება იდგეს მათ უკან?
-არც ერთი ჯგუფი არ არსებობს ან პოლიტიკური, ან სოციალურ საკითხზე მოდავე, რომლის მიმართ შეკითხვები არ შეიძლება ჰქონდეს საზოგადოებას, მათ შორის რიონის ხეობის დამცველთა ჯგუფის მიმართაც კითხვები ჩნდება. როდესაც ამდენი არგუმენტია იმის მომხრე, რომ საქართველოს ენერგეტიკული სიძლიერე განაპირობებს მის ხვალინდელ დღესა და დამოუკიდებლობას და ამ არგუმენტებზე დეტალური მსჯელობა, როდესაც არ მიდის და როდესაც მხოლოდ ზედაპირულ, ემოციურ დონეზე მიმდინარეობს ხალხისა და თუნდაც გარკვეული ფინანსური რესურსების მობილიზება, რასაკვირველია, კითხვები ჩნდება, მით უმეტეს, პოლიტიკურად და სოციალურ-ეკონომიკურად ესოდენ დაძაბულ ვითარებაში. არგუმენტები უამრავია იმის სასარგებლო, რასაც ჰქვია ჰესის აშენება და ამ არგუმენტებთან დაკავშირებით შენობაზე უარის თქმა. ერთი მცირე მაგალითიც იყო, როდესაც პარლამენტის თავმჯდომარესთან შეხვედრაზე, პრაქტიკულად, უარი განაცხადეს, რაღაცა არგუმენტების მომიზეზებით. ვფიქრობ, ასპარეზზე ნაკლებად ჩანან ექსპერტები. ერთის მხრივ, კომპანიის წარმომადგენელი აწარმოებენ საკმაოდ აქტიურ პროპაგანდისტულ საქმიანობას და მეორე მხრივ, ამ ჰესის მოწინააღმდეგეთა ჯგუფი წმინდა პოლიტიკური ნიშნით შეიარაღებულები აწარმოებენ თავის ანტიპროპაგანდას. ვფიქრობ, ჩვენი საზოგადოების საინფორმაციო ველი ექსპერტთა მოსაზრებებს ამ თემასთან დაკავშირებით. თუ კი ეკონომიკის მინისტრი და მთავრობა შეიძლება განიხილო როგორც დაინტერესებული მხარე, ისიც უნდა გვახსოვდეს, რომ არც ერთი მთავრობა, ქართული ოცნება იქნება თუ ნებისმიერი სხვა, არ დაუშვებს იმას, რომ ისეთი პროექტი განხორციელდეს, რომ თაობებს შავ ლაქად გაჰყვება. ასე, რომ ეს გამონათქვამი ჩემი არის მხოლოდ ზედაპირული, გაცილებით მეტია საჭირო საექსპერტო მონაწილეობა ამ დისკუსიებში
– აპირებთ თუ არა ქმედითი ნაბიჯების გადადგმას ნინოწმინდის პანსიონთან დაკავშირებით?
-ნუ ვიტყვით დასკვნას, რომ დაძაბული ვითარებაა. მე არ მახსოვს ისეთი საკითხი, ვერ ვიგონებ, რომელიც ეკლესიის გამგებლობაშია და რაიმე ეროვნული ინტერესების საწინააღმდეგოდ ემოქმედოს ეკლესიას, არა მარტო დღევანდელ ეტაპზე, არამედ ქართული ისტორიის განმავლობაში ასეთი ნეგატიური ტიპი არ გვაქვს. რაც შეეხება ნინოწმინდის ბავშვთა სახლს, სამწუხაროდ, დეტალების საქმის კურსში არ ვარ. ამასთან დაკავშირებით სახელმწიფოს სტრუქტურებმა შესაბამისი ყურადღება უნდა გამოიჩინონ, რათა ეს მითქმა-მოთქმის დონეზე არსებული სიტუაცია გახადონ ნათელი და ხელმისაწვდომი საზოგადოებისთვის.
-სამართლიანია თუ არა 20 ივნისის დაზარალებულთათვის ამნისტიის კანონი?
-ზოგადად, ამნისტიის კანონი სამართლიანი არ არის. ნებისმიერ საკითხთან დაკავშირებით, რომელიც ასეთ მწვავე პოლიტიკურ ეპიზოდს ეხება ჩვენი თანამედროვე ისტორიისა, ყოველთვის უნდა ვეცადოთ, რომ სასამართლოს გადაწყვეტილების შემდეგ გამოვიტანოთ დასკვნები. სასამართლოს მიმართ დამოკიდებულებას პოლიტიკურ ველზე ოპონენტების მხრიდან ნეგატიური დამოკიდებულება იქიდან არის განპირობებული, რომ ნებისმიერი გადაწყვეტილება ეჭქვეშ დააყენონ. თუმცა, გვავიწყდება, რომ არსებობს საერთაშორისო სასამართლოები, სადაც შეიძლება, ბოლომდე იდავო. რამოდენიმე ინსტანციის შემდეგ უნდა მივიღოთ გადაწყვეტილება ამნისტირებულ უნდა იქნეს თუ არა ამ კონკრეტულ ვითარებაში ის შესაძლო დანაშაულებები, რომელიც შესაძლოა, სასამართლომ დაადგინოს. შესაძლოას იმიტომ ვამბობ, რომ ჯერ არ მომხდარა ეგეთი რამ, მაგრამ არსებობს ერთი სერიოზული არგუმენტი, რომელიც ჩვენს პარტნიორ ქვეყნებს გააჩნიათ და გააჩნია საზოგადოების დიდ ნაწილს – დროა, ამ პოლიტიკურ ველზე, ამ მყიფე სტაბილურობის გაძლიერებაზე მეტი ვიფიქროთ საზოგადოებაში და დავუშვათ ისეთი გამონაკლისი, რომელსაც წინასწარი ამნისტია ჰქვია, ეს არის სულისკვეთება დამოკიდებულება იმ ვითარებისა, რომელიც საქართველში შეიქმნა. გამომდინარე წმინდა არასამართლებრივი, არამედ პოლიტიკური მოსაზრებებიდან, პასუხისმგებლობიდან ქვეყნის სტაბილურობის წინაშე, ამნისტია არა თუ დასაშვებია, არამედ აუცილებელიცაა. სამწუხაროა, რომ ამნისტიას თემა, კვლავ პოლიტიკური სპეკულაციების საგანი ხდება.
– არის თუ დღეს სასამართლოში ე.წ. კლანი და არის თუ არა საეჭვო სასამართლოში მიმდინარე პროცესები?
-ორი ფაქტი შეგვიძლია, მშრალად მოვიყვანოთ. პირველი, ჩვენ გვაქვს საერთაშორისო კომპეტენტური ორგანიზაციების დასკვნები, რეიტინგები და ქართული სასამართლო თავის დამოუკიდებლობითა და მარგი ქმედების კოეფიციენტით არის მოწინავე რიგებში და მყარად ინარჩუნებს ადგილს. მეორე ასპექტი, რაც გასათვალისწინებელია, ასეთი არაემოციური პოლიტიკური განხილვისთვის უნდა გავითვალისწინოთ, რომ სიტყვა კლანი მას შემდეგ წარმოიშვა, რაც კუბლაშვილისა და სააკაშვილის კლანი სასამართლოს ჩამოსცილდა და სასამართლომ ის რეიტინგები დაიმკვიდრა, რაზედაც გელაპარაკებით და ამავე სასამართლომ უზრუნველყო, რომ გასამართლებულიყო რეჟიმის ოდიოზური ფიგურები კონკრეტული დანაშაულებებისთვის, მათ შორის ისეთი დანაშაულებებისთვის, რომელიც სტრასბურგის სასამართლოსაც აქვს დამტკიცებული. ასე, რომ ჩვენ ვხედავთ იმ რეალობას, რაც შექმნილია სასამართლოს გარშემო და ამას ეწოდება პოლიტიკური თამაშები სასამართლოს გარშემო. მე ვერ ვიტყოდი, რომ სასამართლო, რომელიც საქართველოს ჰქონდა, ან დღეს არის, ის იდეალურია, რასაც მოითხოვს საერთაშორისო ევროპული სტანდარტი, მაგრამ რეიტინგები მაჩვენებელია თუ საითკენ მიდის სასამართლო სისტემა და ამ მსვლელობაზე საკმაოდ ბევრია გაკეთებული ქართული ოცნების ხელისუფლების მიერ – მხედველობაში მაქვს ის რეფორმები, რომელიც უკვე გატარდა. რაც შეეხება დამოკიდებულებას პოლიტიკური ოპონენტების და ზოგიერთი არასამთავრობო ორგანიზაციის, გამოიხატება მხოლოდ ერთში – რეფორმები მართებული და დადებითია, მაგრამ არსებობს ადამიანების ჯგუფი, რომელიც მათი აზრით სამსახურიდან უნდა იქნეს დათხოვნილი. კიდევ ერთი მომენტი, იუსტიციის უმაღლეს საბჭოში მოსამართლეთა არჩევნები ჩატარდა, 300-დან 291-მა მოსამართლემ მიიღო ამ კონფერენციაში მონაწილეობა და უდიდესი უპირატესობით გაიმარჯვა 4-მა კანდიდატმა. არის სასამართლო მთელი შემადგენლობა გარკვეულ პოზიციაზე დგას და ეს პოზიცია სრულად ექვემდებარება იმ სტანდარტს, რაც საერთაშორისო დონეზე არსებობს. ასე, რომ შეტევა ერთ ჯგუფზე, რომელიც თითქოსდა სასამართლოს განაგებს, ეს არგუმენტი უფერულდება და ნულდება იმ რეალობასთან შესაბამისობაში, რაც გვაქვს – რეიტინგები მაქვს მხედველობაში და დამოკიდებულება ამ საკითხების მიმართ, რომელიც სასამართლოში სუფევს.
-ხშირად თქვენ და თქვენს თანაგუნდელებს სიძულვილის ენის წახალისებასა და ოპონენტების არაეთიკური ლექსიკის გამოყენებაში გადანაშაულებენ. რას უპასუხებდით მათ?
-საერთოდ საზოგადოებრივი სივრცე წალეკა, გარყვნა, დაანაგვიანა იმ გამიზნულმა, ორგანიზებულმა სიძულვილის გამოხატულებამ, რაც ახასიათებს ჩვენი ოპონენტების პოლიტიკურ სტრატეგიას, ეს არ არის აგებული ერთეული შემთხვევით. თუნდაც ეს გააფთრებული წინააღმდეგობა წვრილმანი ხულიგნობის წინააღმდეგ კანონის გამკაცრებისა, თუმცა, ეს გამკაცრებაც სერიოზული გამკაცრება არ არის, მიუთითებს იმაზე, რომ წვრილმანი ხულიგნობა, სიძულვილის ენის გამოყოფა არის ორგანიზებული მეთოდი, სტრატეგია, რომლითაც ოპერირებენ ჩვენი ოპონენტები, განსაკუთრებით ნაცმოძრაობის ორბიტაზე მყოფი სუბიექტები. ამ ფონზე, შესაძლოა, გამოჩნდეს 1-2 შემთხვევა, რომელიც დადებითად არ ახასიათებს უმრავლესობის წარმომადგენლებს, მაგრამ ეს შემთხვევები ადვილად შეიძლება, აღმოიფხვრას. მით უმეტეს, ამას პერმანენტული ხასიათი არ აქვს, რასაც ვერ ვიტყვით, ვთქვათ, არა თუ სიძულვილის ენაზე, არამედ ჩვენი ტრადიციის შეუსაბამო დედის გინებასა და უწმაწური გამონათქვამებით ოპონენტების მიმართ შეტევაზე, ეს შეიძლება, არ ახასიათდეს კონკრეტულ პოლიტიკურ მოღვაწეს, მაგრამ მათ მიმართ ორგანიზებულ ჯგუფებს, რომელსაც იყენებენ ამ ამოცანის შესასრულებლად, არა თუ ახასიათებთ, არამედ ამას აქვს პერმანენტული ხასიათი. განსხვავება ძალიან დიდია. მე მხარს არ ვუჭერ ასეთ გამოვლენინებს, მაგრამ გინება იქცა მექანიზმად, რომლითაც ოპერირებს ჩვენი ოპონენტების ძალიან დიდი ჯგუფი.