13 მაისს შოთა არველაძე ვერის ბაღში გულშემატკივრებს შეხვდება. ამის შესახებ არველაძემ ფეისბუქზე დაწერა.
“13 მაისს, ვერის ბაღის საფეხბურთო სტადიონზე გულშემატკივარს შევხვდები. ვისაუბრებთ ფეხბურთზე, ჩემს ავტობიოგრაფიულ წიგნზე და სხვადასხვა პერიოდის საინტერესო ამბებზე. ადგილზე, შესაძლებელი იქნება წიგნის შეძენაც და როგორც ერთ-ერთ წინა პოსტში დავწერე, იმ ადამიანებს, ვინც ჩემს შესახებ საინტერესო ისტორიები გაიხსენეს, გადავცემ წიგნებს ჩემი ხელმოწერით. ველოდები თქვენთან შეხვედრას”, – აცხადებს არველაძე.