ახალი ამბები მთავარი პოლიტიკა

ნიკა მელიას გირაო გადაიხადეს

საქართველოში ევროკავშირის წარმომადგენლობა ნაციონალური მოძრაობის თავმჯდომარის, ნიკა მელიას გირაოსთან დაკავშირებით განცხადებას ავრცელებს:

განცხადებაში აღნიშნულია, რომ გირაოს თანხა 40 000 ლარი ევროპულმა ფონდმა “დემოკრატიისთვის” გამოყო. მათივე ინფორმაციით, ეს თანხა უკვე გადახდილია, რომელიც საიამ ხელისუფლებას გადასცა.

“დღეს გადახდილი იყო 40 000 ლარის ოდენობის გირაო ბ-ნ მელიას წინასწარი პატიმრობიდან გასათავისუფლებლად, რაც 2021 წლის 19 აპრილს ევროკავშირის მედიაციით მიღებული შეთანხმების კონტექსტში პოლიტიკური პარტიების მიერ მიღწეულ ურთიერთგაგებას მოჰყვა. გულითად მადლობას ვუხდით ორ დამოუკიდებელ ორგანიზაციას, რომელიც დათანხმდა ამ პროცესში მნიშვნელოვანი მხარდაჭერის გაწევაზე: ევროპულ ფონდს დემოკრატიისთვის (European Endowment for Democracy), რომელმაც თანხა გამოყო და საქართველოს ახალგაზრდა იურისტთა ასოციაციას (საია), რომელმაც აღნიშნული თანხა ხელისუფლებას გადასცა.

ეს კიდევ ერთი მნიშვნელოვანი ნაბიჯია, რომელიც საქართველოში პოლიტიკური კრიზისის დასრულებისა და 19 აპრილის შეთანხმების შესრულების მიზნით გადაიდგა. გვაქვს მოლოდინი, რომ ეს ნაბიჯი მეტად შეუწყობს ხელს პარლამენტის ყველა არჩეულ წევრს, რომ შეთანხმებას შეუერთდეს და მის განხორციელებაში წვლილი შეიტანოს, საქართველოს, მისი მოქალაქეების, ევროკავშირი-საქართველოს ურთიერთობებისა და საქართველოს ევროატლანტიკური მომავლის ინტერესებიდან გამომდინარე,”- ვკითხულბთ განცხადებაში.

ცნობისათვის,  ევროკავშირის მიერ გირაოს გადახდის საკითხი დღის წესრიგში შარლ მიშელის 19 აპრილის დოკუმენტის შემდეგ დადგა, რომელსაც ხელისუფლებამ და ოპოზიციონერი პოლიტიკოსების ნაწილმა მოაწერა. დოკუმენტის მიხედვით, ნიკა მელიამ ციხე ამნისტიის კანონით უნდა დატოვოს, ასევე მოიაზრება გირაოს გადახდაც.

შეგახსენებთ, პროკურატურა ნიკა მელიას 20-21 ივნისის საქმეზე ჯგუფური ძალადობის ხელმძღვანელობას და მასში მონაწილეობას ედავება. ის მას შემდეგ დააპატიმრეს, რაც გირაოს გაზრდილი თანხის გადახდაზე უარი თქვა.

პარლამენტში კანონპროექტის 2 ვარიანტი დარეგისტრირდა, – ხელისუფლების და ოპოზიციის.

ავიაბილეთები იაფად
იტვირთბა....

სხვა ამბები

გვარამია: პურის რიგში რომ დილის 7 საათზე ვდგებოდით, მაშინაც კი არ ვიყავით ასეთი დაბეჩავებულები

მოფარიკავე სანდრო ბაზაძე მსოფლიო თასის გამარჯვებულია

გოცირიძე ჯოკოვიჩზე: ან სერბმა მამაომ შეაცდინა, ან შიში აქვს, რომ დაჩიპავენ

სუბარი: სააკაშვილი ბოლომდე ვერ იაზრებს, რომ ციხეშია და იქ ჯდომა დიდი ხნით მოუწევს

ნათელაშვილი: სასწრაფოდ გაუქმდეს პარაზიტი აფხაზეთის საბჭო და ყველა ფულიჭამია უწყება

სამადაშვილი: დიდი ხანია, ადამიანის სიცოცხლე ამდენად გაუფასურებული არ ყოფილა ჩვენს ქვეყანაში