პირველი საუნივერსიტეტო კლინიკის გენერალურმა დირექტორმა, ლევან რატიანმა დღის კურიერის ეთერში განაცხადა, რომ ქვეყანაში კოვიდინფექცირებულთა რაოდენობა მკვეთრად გაზრდილია.
“ჩვენდა სამწუხაროდ, ბოლო 2 კვირაა, კლინიკაში თავისუფალი საწოლი არ გაგვაჩნია. დღეისათვის, ფაქტობრივად, არც ერთი საწოლი არ გვაქვს თავისუფალი არც რეანიმაციაში, არც ინტენსიურ თერაპიაში და არც თერაპიულ განყოფილებაში,” – თქვა ლევან რატიანმა.
ბოლო 24 საათში, ქვეყანაში კორონავირუსის 1 271 ახალი შემთხვევა გამოვლინდა, 729 ადამიანი გამოჯანმრთელდა. ბოლო დღე-ღამეში კორონავირუსით 11 პაციენტი გარდაიცვალა.