ახალი ამბები მთავარი პოლიტიკა

ლევან თარხნიშვილი, გივი თარგამაძე და გოკა გაბაშვილი ევროპულ საქართველოს ტოვებენ

გოკა გაბაშვილმა, გივი თარგამაძემ და ლევან თარხნიშვილმა ევროპული საქართველო დატოვეს. ამის შესახებ ინფორმაცია სამივე მათგანმა სოციალური ქსელით გაავრცელა.

გივი თარგამაძემ ყოფილ თანაგუნდელებს წარმატება უსურვა:

“ყოველთვის ვცდილობ, პოლიტიკაში თანმიმდევრული ვიყო. ამიტომ, ის, რაც მიუღებელი იყო ჩემთვის ერთ პარტიაში, მიუღებელია და იქნება სხვაშიც. რაც მიუღებელია უფრო გვიან შეძენილი თანამებრძოლისგან, ის მიუღებელია 30 წლოვანი მეგობრისგანაც. 2016-ში მე უარი ვთქვი საარჩევნო სიაზე, რათა პარტიისთვის მიმეცა განაᲮლების, ახალი ძალების მოკრების მეტი თავისუფლება. მსგავსი ნაბიჯის არ, თუ ვერ გადადგმა ჩემთვის გაუგებარია.

მეგობრობა რჩება მეგობრობად, ამ პარტიის მიმართ ჩემგან წარმატების სურვილი, თუმც, უკვე გარედან, უცვლელია.

რაც შეეხება მომავალს – მე მთელი შეგნებული ცხოვრება ვიბრძვი ამ ქვეყნის თავისუფლებისთვის. ვიბრძვი მთელი ძალებით, რაც გამაჩნია და იმედით, რომ ბრძოლის დასასრულს ცოცხალი შევხვდები. ივანიშვილმა მე ამაფეთქა, ჩემი ოჯახის წევრებზე იძალადა, მაგრამ, მთავარია – სამშობლო დამიბეჩავა – ამიტომ, რაღა თქმა უნდა, მის მოსაშორებლად ძალღონეს არ დავიშურებ. ფორმა – მოიძებნება”, – წერს გივი თარგამაძე.

გოკა გაბაშვილის მიერ პარტიიდან წასვლის შესახებ გადაწყვეტილებაც ასევე სოციალურ ქსელით გახდა ცნობილი:

“ამ ეტაპზე მეც, ჩემი მეგობრების მსგავსად, გადავწყვიტე საქმიანობა და ბრძოლა უპარტიო სტატუსით განვაგრძო. ევროპულ საქართველოში, ასევე ბევრი მეგობარი რჩება და წარმატება მათ!” – წერს გოკა გაბაშვილი.

ლევან თარხნიშვილი აცხადებს, რომ პარტიიდან წამოსვლის მიზეზი გარკვეულ საკითხებზე აზრთა სხვადასხვაობაა.

„ჩემი წარმოდგენა პარტიის მომავალზე და ზოგიერთების ერთმანეთს არ დაემთხვა. შესაბამისად ჩემი ცხოვრების ეს ფურცელი გადაიფურცლა. მადლობა ყველას ვისთანაც ერთად ვიბრძოდით და ვაშენებდით ევროპულ საქართველოს. გისურვებთ წარმატებებს. ჩვენი ერთობლივი ბრძოლა ქოცების წინააღმდეგ გრძელდება. მე ამ ბრძოლაში გაჩეჩერებას არ ვაპირებ და ყველაფერს გავაკეთებ ამ ჭირის მოსაცილებლად. მერესა მერე იყოს”, – აცხადებს თარხნიშვილი.

ავიაბილეთები იაფად
იტვირთბა....

სხვა ამბები

მეუფე ნიკოლოზი: მსოფლიო პატიარქმა ქართული ჟურნალისტიკის ხრიკები არ იცის

მეუფე ნიკოლოზი: ეს არის მსოფლიო პატრიარქის შეცდომაში შეყვანა, რაც ჩვენსა და მსოფლიო საპატრიარქოს შორის ურთიერთობის დაძაბვას გულისხმობს

ჩელსიმ რეალი დაამარცხა – ჩემპიონთა ლიგაზე ინგლისური ფინალი გაიმართება

ჩერგოლეიშვილი: “სისხლისმსმელები” რომ ყოფილიყვნენ, აცრილები ვიქნებოდით

უცნობი: არავის ეგონა, რომ საქართველოში 6 000 ბერის ხსენების დღეს დავით-გარეჯში აცვივდებოდნენ

უცნობი: როგორ უნდა გავუმკალვდეთ ამ სამ ტელევიზიას ის ადამიანები, ვინც არ ვძალადობთ?