aviabiletebi
ახალი ამბები მთავარი პოლიტიკა

ოხანაშვილი მაჭავარიანის წასვლაზე: “არ ვიცი, რაშია საქმე – არ მინდა დავუშვა, რომ ვინმე რამე ტიპის პასუხისმგებლობას გაექცა”

aviabiletebi
ავიაბილეთები

პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა ფინანსთა მინისტრის, ივანე მაჭავარიანი  თანამდებობიდან გადადგომის საკითხს  ჟურნალისტებთან საუბრისას გამოეხმაურა.

როგორც ოხანაშვილმა მედიასთან აღნიშნული საკიტხის კომენტირებისას აღნიშნა, –  “პასუხისმგებლობას არავინ არ უნდა გაექცეს, მითუმეტეს, როცა მნიშვნელოვანი გამოწვევებია ჩვენი საზოგადოების და სახელმწიფოს ინტერესების შესაბამისად”.

თუმცა კიხვაზე კითხვაზე, უკავშირდება თუ არა მაჭავარიანის გადაწყვეტილება ქვეყანაში შექმნილ რთულ ეკონომიკურ ვითარებას, ოხანაშვილმა განაცხადა, რომ მისთვის ფინანსთა მინისტრის გადაწყვეტილება ახლა გახდა ცნობილი და მიზეზებთან დაკავშირებით, ინფორმაციას არ ფლობს.

„მე არ მაქვს ინფორმაცია რაიმე სახის დაპირისპირებასთან დაკავშირებით, რა თქმა უნდა, მთავრობის მეთაურის სახელით ვერ ვისაუბრებ, თუმცა, შემიძლია გითხრათ, რომ არანაირ დაპირისპირებას ადგილი არ ჰქონია.

რაც შეეხება შექმნილ სიტუაციას, პასუხისმგებლობას არავინ არ უნდა გაექცეს, მითუმეტეს, როცა მნიშვნელოვანი გამოწვევებია ჩვენი საზოგადოების და სახელმწიფოს ინტერესების შესაბამისად. არ მგონია, რომ ვინმე, რაიმე პასუხისმგებლობას გაურბოდეს. ეს ინფორმაცია ჩემთვისაც ახლა გახდა ცნობილი, არ ვიცი რაშია საქმე, გავარკვევთ გუნდში. „ქართული ოცნება“ არის გუნდი, რომელიც არასდროს გაურბის პასუხისმგებლობას და არავინ არ გავექცევით პასუხისმგებლობას, ჩვენ გვაქვს ჩვენი საზოგადოების წინაშე აღებული ვალდებულებები, ეს არის ქვეყნის მართვის პასუხისმგებლობა, გვაქვს პანდემიის სიტუაცია, სადაც ჩვენი საზოგადოების ჯანმრთელობა უპირველესია, ასევე ეკონომიკა, სოციალური მიმართულება. ამ დროს ყველამ უნდა გავაცნობიეროთ ჩვენი პასუხისმგებლობა და ბევრი ვიმუშაოთ იმისთვის, რომ მაქსიმალურად შევუმსუბუქოთ საზოგადოებას ტვირთი. არ მინდა დავუშვა, რომ ვინმე რამე ტიპის პასუხისმგებლობას გაექცა“, – განუცხდა ოხანაშვილმა ჟურნალისტებს.

ასევე, ჟურნალისტის კითხვაზე – შეუერთდება თუ არა ივანე მაჭავარიანი ყოფილი პრემიერ-მინისტრის, გიორგი გახარიას ახალ გუნდს, ოხანაშვილი პასუხობს, რომ „ამასთან დაკავშირებით არანაირ ინფორმაციას არ ფლობს“.

ოხანაშვილის თქმითვე, მაჭავარიანის მიმართ საკომიტეტო მოსმენების დროს არანაირი კითხვის ნიშანი არ ჰქონიათ.

იტვირთბა....