„ქართული ოცნების“ აღმასრულებელი მდივანი, მამუკა მდინარაძე სოციალურ ქსელის საშუალებით ფინანსთა მინისტრის, ვანო მაჭავარიანის თანამდებობის დატოვების საკითხს ეხმიანება.
მდინარაძე მადლობას უხდის ივანე მაჭავარიანს ქვეყნის სამსახურში გაწეული შრომისთვის და
წარმატებებს უსურვებს მომავალ საქმიანობაში.
„ვანო მაჭავარიანი არის ერთ-ერთი საუკეთესო პროფესიონალი და კარგი ადამიანი, ვისაც კი ვიცნობ. დიდი მადლობა მას ქვეყნის სამსახურში გაწეული დაუღალავი შრომისთვის! წარმატებები მომავალ საქმიანობაში“, – წერს მამუკა მდინარაძე.
შეგახსენებთ, ფინანსთა მინისტრმა ვანო მაჭავარაიანმა თანამდებობა დღეს დატოვა. აღნიშნულთან დაკავშირებით მან “ფეისბუქის” საკუთარ გვერდზე დაწერა, რომ თანამდებობიდან წასვლას ჯერ კიდევ 2020 წლის დეკემბერში გეგმავდა.