ახალი ამბები მთავარი მსოფლიო პოლიტიკა

აშშ-ის სახელმწიფო დეპარტამენტის 2020 წლის ანგარიშში გვარამიას, რურუასა და პოლიტიკოსების საქმეებიც მოხვდა

საქართველოსთან დაკავშირებით ამერიკის სახელმწიფო დეპარტამენტის 2020 წლის ანგარიში გასაჯაროვდა, რომელშიც საუბარია რამდენიმე სისხლის სამართლის საქმეზეც.

ანგარიშში სხვა საქმეებთან ერთად მოხვდა TBC ბანკის დამფუძნებლების საქმე, ტელეკომპანია “რუსთავი 2-ის” ყოფილი დირექტორის ნიკა გვარამიასა და “TV პირველის” მფლობელის ვატო წერეთლის მამის, ავთანდილ წერეთლის. ასევე გიგი უგულავასა და ირაკლი ოქრუაშვილის საქმეები.

ანგარიშში აღნიშნულია, რომ ოჯახის წევრები და არასამთავრობო ორგანიზაციები მათ პოლიტიკურ პატიმრებად მიიჩნევდნენ. დოკუმენტში ასევე ნახსენებია,რომ 15 მაისს პრეზიდენტ სალომე ზურაბიშვილის შეწყალებით პატიმრობიდან გაათავისუფლდნენ „ევროპული საქართველოს“ ლიდერი გიგი უგულავა და „გამარჯვებული საქართველოს“ დამფუძნებელი ირაკლი ოქრუაშვილი.

“15 მაისს პრეზიდენტმა სალომე ზურაბიშვილმა შეიწყალა და პატიმრობიდან გაათავისუფლა „ევროპული საქართველოს“ ლიდერი გიგი უგულავა და „გამარჯვებული საქართველოს“ დამფუძნებელი ირაკლი ოქრუაშვილი. ოპოზიციურმა პარტიებმა მათი გათავისუფლება მოითხოვეს მმართველ პარტიასთან, „ქართულ ოცნებასთან“ 8 მარტს მიღწეული შეთანხმების საფუძველზე. ოპოზიციური პარტიები და საერთაშორისო საზოგადოება მიესალმა შეწყალებებს.

ოპოზიცია აგრძელებდა ოპოზიციონერი მოღვაწის გიორგი რურუას განთავისუფლების მოწოდებას, ახასიათებდა მას, როგორც პოლიტპატიმარი, რომლის გათავისუფლება გათვალისწინებული იყო 8 მარტს მმართველ და ოპოზიციურ პარტიებს შორის პოლიტიკური შეთანხმების საფუძველზე. შეთანხმება საარჩევნო სისტემის ცვლილებებთან ერთად შეიცავდა დებულებას, რომ მთავრობა მიმართავდა სასამართლო სისტემაში პოლიტიკური ჩარევის გამოჩენას.

30 ივლისს რურუას მიესაჯა ოთხი წლით თავისუფლების აღკვეთა ორი ბრალდებით. 4 აგვისტოს 9 არასამთავრობო ორგანიზაციამ გამოთქვა შეშფოთება, რომ რურუას წინააღმდეგ პოლიტიკურად მოტივირებული საქმე იყო და განაცხადეს: “პოლიტიკური ნიშნით დევნა ახლახანს გახდა იარაღი პოლიტიკური ოპონენტების ან კრიტიკული მედიასაშუალებების გავლენისთვის”. მთავრობამ საერთაშორისო და ადგილობრივ ორგანიზაციებს ნება დართო, მოინახულონ პირები, რომლებიც თავს პოლიტპატიმრებად აცხადებენ, რამდენიმე საერთაშორისო ორგანიზაციამ ეს გააკეთა” – ნათქვამია ამერიკის სახელმწიფო დეპარტამენტის 2020 წლის ანგარიშში.

ამერიკის სახელმწიფო დეპარტამენტის მიერ გამოქვეყნებულ ანგარიშში საუბარია ადამიანთა უფლებების დაცვის კუთხით არსებულ მდგომარეობაზე.

ავიაბილეთები იაფად

სხვა ამბები

იმნაძე: ერთი წელია, მეგობრებთან ერთად არსად ვყოფილვარ

იმნაძე: როცა მივხვდებით, რომ საზოგადოებაში უზრდელობაა პირბადის გარეშე გამოჩენა, მაშინ მცირე დანაკარგებით გავძვრებით

მსახიობი თამთა ინაშვლი: მე აღარ ვაპირებ, ზანგურთან ერთად სცენაზე დგომას

სარჯველაძე: ოპოზიციას მოლაპარაკების შედეგიანად დასრულება, რომ უნდოდეს მელიასთან დაკავშირებულ წინაღობას მოხსნიდნენ

გუმათში ვითარება კვლავ დაძაბულია – სავარაუდოდ არიან დაკავებულები

სტურუა: წინათ, ქალი, ქმარი რომ მისტოვებდა, გომოსექსუალიზმს აბრალებდა, ახლა ვეღარ ბედავს, ეშინია დემოკრატად არ ჩათვლიან

იტვირთბა....