ახალი ამბები პოლიტიკა

ოხანაშვილი: “პარტიული ინტერესები გვაქვს გადაებული და ვმოქმედებთ სახელმწიფოებრივი ინტერესების შესაბამისად”

“ქართული ოცნების” წევრის, ანრი ოხანაშვილის განცხადებით, მმართველი გუნდი საზოგადოებისა და ქვეყნის ინტერესებიდან გამომდინარე მოქმედებს. ასე გამოეხმაურა ოხანაშვილი ჟურნალისტებთან მედიაციის ფარგლებში ხელისუფლებისა და ოპოზიციური პარტიების ლიდერებს შორის მიმდინარე მოლაპარაკებებს.

როგორც ოხანაშვილმა განაცხადა, მმართველ გუნდ პარტიული ინტერესები გვერდზე აქვს გადადებული და იგივე მოქმედებებისკენ მოუწოდებს პოზიციურ პარტიებსაც.

მისივე თქმით, მთავარია, არსებული საკითხები საზოგადოების ინტერესებიდან გამომდინარე გადაწყდეს.

“ჩვენი მთავარი ამოცანა არის ზრუნვა ჩვენს საზოგადოებაზე, ჩვენ გვაქვს დიდი პასუხისმგებლობა ქართული ოცნების ამომრჩეველის, და არა მარტო ამომრჩევლის მიმართ. ჩვენი მთავარი საზრუნავია, ქვეყანა წავიყვანოთ წინ და ის გამოწვევები, რომელიც ქვეყანაში არსებობს, ეს მიმართულებები ვმართოთ ისე, როგორც ამას გვავალებს ჩვენი საზოგადოება და როგორც სჭირდება ჩვენი საზოგადოების ინტერესს.

მოლაპარაკების მაგიდასთან ჩვენ საკითხებს განვიხილავთ საზოგადოების და ქვეყნის ინტერესებიდან გამომდინარე, მოლაპარაკების მაგიდასთან პარტიული ინტერესები გვაქვს გადადებული და ვმოქმედებთ სახელმწიფოებრივი ინტერესების შესაბამისად,”- განაცხადა ანრი ოხანაშვილმა.

ცნობისთვის, ევროსაბჭოს პრეზიდენტის, შარლ მიშელის პირადი წარმომადგენელი, კრისტიან დანიელსონი მმართველ გუნდსა და ოპოზიციას შორის მოლაპარაკებებს მედიაციას უწევს, თუმცა შეთანხმება ჯერჯერობით მიღწეული არ არის.

ევროპული საბჭოს პრეზიდენტის შარლ მიშელის პირადი წარმომადგენელი კრისტიან დანიელსონი საქართველოში მხარეებს შორის მედიაციის გასაგრძელებლად 28 მარტს დაბრუნდა.

კრისტიან დანიელსონი საქართველოში მედიაციის მიზნით პირველად 12 მარტს ჩამოვიდა. მისი ვიზიტი 14 მარტს უნდა დამთავრებულიყო, თუმცა წარუმატებელი მოლაპარაკების გამო ვიზიტი გაახანგრძლივა, თუმცა მისი შუამავლობით გამართული შეხვედრები მხარეებს შორის შეთანხმებით არ დასრულებულა. დანიელსონმა ქვეყანა 19 მარტს დატოვა.

 

 

ავიაბილეთები იაფად
იტვირთბა....

სხვა ამბები

(ვიდეო) ნაციონალების დ**ას …. – მოქალაქე დეკანოიძესთან მივიდა და ენმ-ს აგინა

თბილისში მედიამენეჯერების, აქტივისტებისა და პოლიტიკოსების საწინააღმდეგო პლაკატები გამოჩნდა

ვაშაძე მელიასა და ხოშტარიაზე: წარმატებებს ვუსურვებ მათ, უბრალოდ, განსხვავებული გზა გვაქვს

დეგნანი – „ფაიზერის“ ნახევარი მილიონი დოზა არის საჩუქარი პრეზიდენტ ბაიდენისა და ამერიკის მთავრობისგან ქართველი ხალხისთვის, ნიშნად ჩვენი მეგობრობისა

გამოვლინდა ინფიცირების 2 617 ახალი შემთხვევა, გარდაიცვალა 9 პაციენტი

ღარიბაშვილი: ნახევარი მილიონი დოზა ფაიზერი საქართველოშია, მადლობა პრეზიდენტ ბაიდენს, მადლობა ამერიკელ ხალხს