“საქართველოს სახელმწიფო ელექტროსისტემა” სოციალურ ქსელში განცხადებას ავრცელებს, სადაც განმარტავენ მიზეზს, თუ რატომ შეიზღუდა ელექტროენერგიის მიწოდება ქვეყნის ნაწილში.
“მეტრონომი” განცხადებას უცვლელად გთავაზობთ:
“ელექტროენერგიის მიწოდების შეზღუდვა. საქართველოსა და თურქეთის ენერგოსისტემების დამაკავშირებელი 400 კვ-იანი ელექტროგადამცემი ხაზის „მესხეთი“ გამორთვის გამო, შეწყდა თურქეთიდან ელექტროენერგიის იმპორტი და ენერგომომარაგება შეეზღუდა ქვეყნის უმეტეს ნაწილს. ამ ეტაპზე ხორციელდება მომხმარებლისთვის ელექტროენერგიის აღდგენა.
„საქართველოს სახელმწიფო ელექტროსისტემა” ბოდიშს უხდის მომხმარებელს შეფერხების გამო”, – წერია განცხადებაში.