“რესპუბლიკური პარტიის” წევრი დავიდ ბერძენიშვილი სოციალურ ქსელში მიმართვას ავრცელებს.
ბერძენიშვილი აღნიშნულ პოსტში ამბობს, რომ გიორგი რურუას და ნიკა მელიას უსამართლოდ, უკანონოდ, არაკაცურად, პოლიტიკური მოტივებით სახელმწიფო მანქანის მიერ რეპრესირებული ადამიანებია.
“გიორგი რურუა და ნიკა მელია არიან უსამართლოდ, უკანონოდ, არაკაცურად, პოლიტიკური მოტივებით სახელმწიფო მანქანის მიერ რეპრესირებული ადამიანები. 100 პროცენტით დარწმუნებულია ამაში უკლებლივ ყველა შინ და გარეთ.
მათი გაწირვით, მათი თავისუფლების ხარჯზე ოპოზიციაში არავინ ვაპირებთ ხელისუფლებასთან პოლიტიკურ გარიგებას.
ბრიუსელის და ვაშინგტონის ხელშეწყობით პოლიტიკური შეთანხმება საჭიროა.
რურუას და მელიას თავისუფლება სავაჭრო საკითხი კი არაა, ხელისუფლების სირცხვილი და მისი ტვირთია.
ბრიუსელს და ვაშინგტონს ამდენი ძალა კი აქვს, რომ აიძულონ ხელისუფლება, გაათავისუფლებინონ მძევლები.” – წერს ბერძენიშვილი.