საქართველოში მცხოვრები ეთნიკური აზერბაიჯანელები საქართველოს პრემიერ-მინისტრს მიმართავენ და ნოვრუზ ბაირამის დღესასწაულზე, 21 მარტს ერთი ღამით, კომენდანტის საათის მოხსნას ითხოვენ.
ეთნიკური აზერბაიჯანელების განცხადებით, დღესასწაულის ძირითადი რიტუალები ღამით ტარდება , შესაბამისად გადაადგილების შეზღუდვის მოხსნა აუცილებელია.
განცხადება მთავრობის ადმინისტრაციაში უკვე შეტანილია და მას ხელს 10-მდე ორგანიზაცია აწერს.
ჯერჯერობით ამ საკითხზე ხელისუფლებას კომენტარი არ გაუკეთებია, შესაბამისად უცნობია რა გადაწყვეტილება იქნება მიღებული.
ცნობისთვის, გადაადგილების შეზღუდვა ხელისუფლებამ ახალი წლის ღამეს, 31 დეკემბერს და შობის ღამეს, 7 იანვარს ერთი ღამით მოხსნა.