სამართალდამცავებმა გორში, 14 წლის გოგოს მიმართ გარყვნილი ქმედების გამო ერთი პირი დააკავეს.
როგორც უწყებაში აცხადებენ, აღნიშნულ ფაქტთან დაკავშირებით გამოძიება სსკ-ის 141-ე მუხლით დაიწყო, რაც გარყვნილ ქმედებას გულისხმობს.
წინასწარი ინფორმაციით, გამოძიების დაწყების საფუძველი მოზარდსა და მამაკაცს შორის არსებული მიმოწერა გახდა, რომელიც მოზარდის დედამ აღმოაჩინა.
ადვოკატის განცხადებით, დაკავებული დუმილის უფლებას იყენებს.