რამდენიმე დღის წინ ესპანეთის წყლებში დაკავებულ გემზე, რომელსაც დიდი რაოდენობით ნარკოტიკები გადაჰქონდა, ქართველებიც იყვნენ. – ამის შესახებ ინფორმაციას “კურიერი” ექსკლუზიურად ავრცელებს.
ეკიპაჟის 9 წევრიდან 4 ქართველია. საუბარია 3 000 კილოგრამ კოკაინზე, რომლის ღირებულებაც ბაზარზე 150 მილიონ ევროს აღწევს.
ჯერ ოფიციალურად არ არის ცნობილი, იცოდნენ თუ არა საქართველოს მოქალაქეებმა, რა ტვირთი გადაჰქონდათ პალაუს დროშის ქვეშ მცურავი გემით. თუმცა, მათ მდგომარეობას ამძიმებს ის, რომ ეკიპაჟის წევრებმა ტანკერი საკუთარი ხელთ ჩაძირეს.