მთავრობის ადმინისტრაციის უფროსის მოადგილის ბერდია სიჭინავას დატოვების შემდეგ თანამდებობა მთავრობის ადმინისტრაცია სტრატეგიული კომუნიკაციების დეპარტამენტის უფროსის მოადგილემაც დატოვა.
სოფიო მდინარაძის მიერ თანამდებობის დატოვების შესახებ დღეს გახდა ცნობილი. როგორც მან განაცხადა, პირადი განცხადების საფუძველზე დატოვა.
პრემიერ-მინისტრის პოსტიდან გიორგი გახარიას გადადგომის შემდეგ პოსტები დატოვეს მთავრობის ადმინისტრაციის უფროსმა, ასევე, მისმა მოადგილემ.
შეგახსენებთ, პრემიერ-მინისტრმა გიორგი გახარიამ თანამდებობა 18 თებერვალს დატოვა.