ქუთაისში “ნამოხვანჰესის” მოწინააღმდეგეთა აქცია დასრულდა.
აქციის ორგანიზატორებმა სამოქმედო გეგმაზე მედიასთან ისაუბრეს და ხელისუფლებას ორკვირიანი ვადა მისცეს.
მათი თქმით, თუ ორ კვირაში არ შეჩერდება ჰესის მშენებლობა, ისინი მწვავე პროტესტზე გადავლენ და მოახდენენ ცენტრალური მოედნის პიკეტირებას. კომპანიის მუშაობის შესაჩერებლად კი ხვალიდანვე განახლდება პროტესტი და არ მისცემენ მუშაობის უფლებას.
ამასთან, აქციის ორგანიზატორთა თქმით, მომდევნო აქცია 14 მარტს გაიმართება და თუ საჭირო იქნება ნამოხვაჰესის წინააღმდეგ მეტი ადამიანი გამოვა.
ცნობისთვის, დღევანდელ აქციას პოლიტიკური პარტიის წევრები, არასამთავრობო ორგანიზაციები და სასულიერო პირები შეუერთდნენ.