ახალი ამბები მთავარი პოლიტიკა

“სახელმწიფო ეცდება ვინც კარვებშია, იმ ადამიანების უსაფრთხოება დაიცვას” – გია ვოლსკი

პარლამენტის ვიცე-სპიკერი, გია ვოლსკი საკანონმდებლო ორგანოს წინ კარვების გაშლის საკითხს ეხმაურება.

ვიცე-სპიკერმა აღნიშნულ საკითზე კომენტირებისას აღნიშნა, რომ მსგავსი პროტესტის სტრატეგიული მიმართულებაა სახელმწიფო სტრუქტურებსა და საზოგადოებაში არეულობის გამოწვევა და სახელმწიფოს მოვალეობაა ამის პერსპექტივა არ დაუშვას.

„არსებობს კანონი, არსებობს რეალობა, რასაც დემოკრატიული ქვეყნისთვის დამახასიათებელი გარკვეული ნიშნები ჰქვია, თუნდაც უშველებელი რაოდენობა ადამიანებისა გამოხატავს თავის უკმაყოფილებას იმ დისკომფორტით, რაც შეიძლება კარვების ამ რაოდენობის გაშლამ გამოიწვიოს, მაგრამ სახელმწიფო ეცდება რომ გამოხატვის უფლება იყოს დაცული და ასევე დაცული იყოს უსაფრთხოება იმ ადამიანების, ვინც კარვებშია და იმ ადამიანების უსაფრთხოებაც, ვინც ამათ მიმართ აგრესიულად არის განწყობილი.

სახელმწიფოს მოვალეობაა, არ აჰყვეს ამ მთავარ სტრატეგიულ მიმართულებას, რომ იქნებ, როგორმე ჯახი გამოიწვიონ არამარტო სახელმწიფო სტრუქტურებთან, არამედ საზოგადოებების წარმომადგენლებს შორის მოხდეს დაპირისპირება და რასაკვირველია, ამას პერსპექტივა გააჩნია, თუკი სახელმწიფო არ იმოქმედებს საკმაოდ ჩამოყალიბებულად და დაგეგმილი სტრატეგიით“, – განაცხადა ვოლსკიმ.

ცნობისთვის, დღეს დილით აქტივისტებმა პარლამენტთან 11 კარავი გაშალა. საკანონმდებლო ორგანოსთან შეკრებილმა მოქალაქეებმა “ინტერპრესნიუს” განუცხადეს, რომ სამოქალაქო აქტივისტებმა და სხვადასხვა რეგიონიდან ჩამოსულმა მოსახლეობამ ღამე კარვებში გაათენა.

მათივე თქმით, საკანონმდებლო ორგანოსთან კარვების რაოდენობა გაიზრდება და არ გამორიცხავენ, რომ კარვები საჭიროების შემთხვევაში რუსთაველის გამზირზე, გზის სავალ ნაწილზეც განთავსდეს.

ამასთან, შეგახსენებთ, რომ ოპოზიციურმა პარტიებმა  26 თებერვალს პარლამენტის წინ  „ნაცმოძრაობის”  თავმჯდომარის, ნიკა მელიას მხარდასაჭერი აქცია და მსვლელობა სახელწოდებით: „მსვლელობა თავისუფლებისთვის“ გაიმართა.

 

ავიაბილეთები იაფად
იტვირთბა....

სხვა ამბები

მაკალისტერი: მოვუწოდებ ყველა პოლიტიკურ პარტიასა და ცალკეულ დეპუტატებს, ხელი მოაწერონ დოკუმენტს

მაჭარაშვილი: მელია დააყენეს დილემის წინაშე – გამოვა ვაია, არ გამოვა – ვუია

ტოკიოს ოლიმპიადაზე რუსეთის ჰიმნის ნაცვლად ჩაიკოვსკის მუსიკას დაუკრავენ

Tato Chakhnashvili

დააკავეს 2 პირი, რომლებიც უკანონოდ დაეუფლნენ თანხას და ბიტკოინი შეიძინეს

(ფოტო) სპასექსის მისიის გაშვებამდე – ზურაბიშვილი SPACEX- ის მისიაზე

ხუხაშვილი მელიაზე: ამნისტიას გირაოს გადახდა ჯობია