aviabiletebi
ახალი ამბები მთავარი საზოგადოება

“აეროპორტები 2 კვირაში იხსნება, ამ დროისთვის კი 50 წლის ზემოთ მყოფი ყველა მოქალაქე 95% იქნება აცრილი” – გიორგი ფხაკაძე

aviabiletebi
ავიაბილეთები

გაეროს გენერალური მდივნის მრჩეველი ჯანდაცვის საკითხებში, გიორგი ფხაკაძე პროფესორი სოციალური ქსელის საშუალებით მიმართვას ავრცელებს.

ჯანდაცვის ექსპერტი აღნიშნულ მიმართვაში ისრაელის გახსნასთან დაკავშირებით წერს და აცხადებს, რომ ქვეყანაში მოსახლეობის 50% “ფაიზერის” ერთი დოზით მაინც აიცრა. მისივე თქმით, “ფაიზერი” სიკვდილიანობასა და ავადობას 95.8% ამცირებს.

“ისრაელი გაიხსნა… მოსახლეობის 50% ფაიზერის ერთი დოზით მაინც აიცრა.

ფაიზერი სიკვდილიანობასა და ავადობას 95.8% ამცირებს.

სუნთქვის პრობლემებისა და სიცხიანობის საფრთხე ფაიზერით აცრილებში 98% მცირდება.

დღეიდან ისრაელში ყველასთვის ღიაა: მუზეუმები, ზოოპარკები, მაღაზიები, სავაჭრო ცენტრები და ბიბლიოთეკები.

აცრის დამადასტურებელი “მწვანე პასპორტით” ღიაა: სავარჯიშო დარბაზები, სინაგოგები და სასტუმროები. ხალხის მასა დაიშვება კონცერტებსა და სპორტულ სანახაობებზე 75% დატვირთვით: 300 ადამიანამდე შენობაში, 500-მდე კი, გარეთ. “პასპორტი”მობილურში ყენდება და გასცემენ ვირუსისგან გამოჯანმრთელებულ ადამიანებზეც, რომლებსაც ჯერ აცრა არ უწევთ. სავალდებულოდ რჩება ფიზიკური მანძილის დაცვა და ნიღბის ტარება.

აეროპორტები 2 კვირაში იხსნება. ამ დროისთვის 50 წლის ზემოთ მოსახლეთა 95% იქნება აცრილი.” – წერს ფხაკაძე.

იტვირთბა....