“ამ აღიარების გარეშე არც ერთი ვაქცინა ჩვენს ქვეყანაში არ შემოვა” – ბიძინა კულუმბეგოვის მიმართვა

ალერგოლოგ-იმუნოლოგი, ბიძინა კულუმბეგოვის განცხადებით, ჯანდაცვის მსოფლიო ორგანიზაციის აღიარების გარეშე ჩვენს ქვეყანაში არც ერთ ვაქცინა არ შემოვა.

კულუმბეგოვმა საზოგადოებრივი მაუწყებლის ეთერში ამავე თემაზე საუბრისას დასძინა, რომ ჩვენთან იქნება მხოლოდ ხარისხიანი და ძალიან მნიშვნელოვანი უსაფრთხოების გარანტიით.

„ნებისმიერი ტიპის ვაქცინა, რომელიც საქართველოში შემოვა, ჯანდაცვის მსოფლიო ორგანიზაციის მიერ აღიარებული იქნება. ამ აღიარების გარეშე არც ერთი ვაქცინა ჩვენს ქვეყანაში არ შემოვა. აქ იგულისხმება ის, რომ ჩვენთან იქნება მხოლოდ ხარისხიანი და ძალიან მნიშვნელოვანი უსაფრთხოების გარანტიით. რაც შეეხება დაანონსებულ რიცხვებს „ფაიზერის“ ვაქცინის 29 000 დოზის შემოტანის შესახებ, ეს პირდაპირ დამოკიდებულია „კოვაქსის“ წარმომადგენლობაზე. როდესაც ისინი გადაწყვეტენ, აგზავნიან. შეიძლება, ეს იყოს თებერვლის ბოლო ან მარტის დასაწყისი. შემდგომ მათი გეგმით, ამას აუცილებლად უნდა მოჰყვეს „ასტრაზენეკას“ ვაქცინის 184 000 დოზის გამოგზავნა. საქართველოს ინდივიდუალური მოლაპარაკება აქვს მიღწეული ინდოეთის სერუმის ინსტიტუტთან „ასტრაზენეკას“ ვაქცინის 150 000 დოზის შეძენაზე. ამიტომ ვფიქრობ, გაზაფხულის პერიოდში ჩვენ შევძლებთ ვაქცინაციის პროცესის დაწყებას“, – განაცხადა კულუმბეგოვმა.

შეგახსენებთ, რომ ყოფილი პრემიერმინისტრის, გიორგი გახარიას განცხადებით, COVID-19-ის საწინააღმდეგო ვაქცინის პირველ დოზას ქვეყანა თებერვლის ბოლომდე  მიიღებდა.