მეხანძრე-მაშველი, რომელიც სამსახურეობრივი მოვალეობის შესრულების დროს დაიღუპა, 25 წლის თორნიკე კიპაროიძეა
თორნიკე კიპაროიძე, რომელიც ბათუმში ხანძრის გამოძახებაზე იმყოფებოდა, სახანძრო კიბიდან ჩამოვარდა.დაშავებული საავადმყოფოში გადაიყვანეს, თუმცა მისი გადარჩენა ვეღარ მოხერხდა.
თორნიკემ სახანძრო-სამაშველო ძალებში 1 წლის წინ დაიწყო მუშაობა. მანამდე ის თავდაცვის სამინისტროში მუშაობდა.
25 წლის მეხანძრე-მაშველი 2018 წელს დაქორწინდა. მას მეუღლე და მცირეწლოვანი შვილი ჰყავს.
