„იმდენად არასერიოზული და აბსურდული ინფორმაციაა, რომ ამაზე კომენტარის გაკეთება არც ღირს. არავინ არანაირ პოსტს არ ტოვებს”, – ასე უპასუხა საგარეო საქმეთა მინისტრმა დავით ზალკალიანმა კითხვას, გიორგი გახარია პრემიერ-მინისტრის პოსტის დატოვების შესახებ.
“გიორგი გახარია ხელმძღვანელობს საქართველოს მთავრობას. ის არის მართლაც ძალიან სერიოზული და ღირსეული სახელმწიფო მოღვაწე და პოლიტიკოსი. იგი ახორციელებს ძალიან მნიშვნელოვან რეფორმებს, ყველა მიმართულებით, რომელიც არის ჩვენი ქვეყნისთვის აქტუალური”, – განაცხადა მინისტრმა ბრიფინგზე.