ბახტრიონის ქუჩაზე, ბუკიას ბაღთან მომუშავე ექსპერტ-კრიმინალისტებმა ტოიოტას მარკის ავტომობილზე მიმაგრებული ხელყუმბარა იპოვეს. თვითმხილველთა განცხადებით, ხელყუმბარა ავტომობილის ქვეშ იყო დამაგრებული. მათივე განმარტებით, გამნაღმელებმა ხელყუმბარა მოხსნეს.
“მეტრონომი“ შინაგან საქმეთა სამინისტროს დაუკავშირდა.
„მუშაობა დავასრულეთ. ამოღებულია ხელყუმბარის მსგავსი ნივთი, რომელსაც აუცილებლად ჩაუტარდება ექსპერტიზა. დამატებით დეტალებზე მოგვიანებით გავაკეთებთ განცხადებას“ – განაცხადეს შსს-ში.