გორში, სავარაუდოდ, ბუნებრივი აირის გაჟონვის შედეგად ერთი ადამიანი გარდაიცვალა. მომხდარი ფაქტი “მეტრონომს” შინაგან საქმეთა სამინისტროში დაუდასტურეს.
გარდაცვლილი საკუთარ საცხოვრებელ ბინაში იპოვეს.
ადგილზე უკვე მუშაობენ ექსპერტ-კრიმინალისტები.
როგორც “მეტრონომს” შინაგან საქმეთა სამინისტროში განუცხადეს, გამოძიება სისხლის სამართლის კოდექსის 240 პრიმა მუხლის მე-2 ნაწილით დაიწყო, რაც ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს, რასაც ადამიანის სიცოცხლის მოსპობა მოჰყვა.