რუსეთში, ალექსეი ნავალნის მხარდასაჭერი აქცია მიმდინარეობს. აქციაზე გამოსული ათასობით ადამიანი ნავალნის უკანონოდ დაპატიმრებას აპროტესტებენ.
“The Moscow Times-ის” ინფორმაციით, ციმბირის მხარეს აქციებს მინიმუმ 15 000 ადამიანი ესწრება, მათ შორის ხალხი გამოვიდა ქალაქ იაკუტსკში, სადაც ყინვა – 50 გრადუსს აღწევს.
მშვიდობიანი პროტესტის მიუხედავად, პოლიციამ ასობით დემონსტრანტი უკვე დააკავა. მათი ზუსტი რაოდენობა უცნობია, თუმცა ადგილობრივ მედიაზე ცნობით, დაკავებულთა რაოდენობა 300-ს აღემატება.
ტვიტერზე ვრცელდება ვიზუალური მასალაც, სადაც კარგად ჩანს მოქალაქეების დიდი რაოდენობა, ყინვის მიუხედავად; ასევე, აგრესიული მოპყრობა პოლიციის მხრიდან.
ცნობისთვის, ზაფხულში “ნოვიჩოკით” მოწამლული პუტინის მთავარი კრიტიკოსი, ალექსეი ნავალნი, ერთი კვირის წინ, გერმანიიდან სამშობლოში დაბრუნებისთანავე დააპატიმრეს და რამდენიმე ბრალდება წაუყენეს. ის ამჟამად წინასწარი დაკავების იზოლატორში იმყოფება.