aviabiletebi
ახალი ამბები მთავარი პოლიტიკა

“უმრავლესობის წევრი თავს ვერ მისცემს უფლებას, გარეჯის საქმეზე რაიმე გადაწყვეტილება მიიღოს”- არჩილ თალაკვაძე

aviabiletebi
ავიაბილეთები

პარლამენტის თავმჯდომარის, არჩილ თალაკვაძის განცხადებით,  პარლამენტში პოლიტპატიმრების საკითხზე მსჯელობა ვერ შედგება, რადგან საკანონმდებლო ორგანო არ წყვეტს, ვინ იყოს პატიმრობაში და ვინ არა. ასე უპასუხა პარლამენტის თავმჯდომარემ არჩილ თალაკვაძემ პოლიტპატიმრების გათავისუფლებასთან დაკავშირებით დასმულ კითხვას.

თალაკვაძემ განაცხადა, რომ “ქართული ოცნების“ მხრიდან აღნიშნული საკითხი პოლიტიკურ მოლაპარაკებებში არ განიხილება.

“ეს არის მართლმსაჯულების საკითხი. გუშინ ჩვენ ვნახეთ ძალიან სერიოზული ახალი მტკიცებულებები, რაც კიდევ უფრო სერიოზულ წონას აძლევს კითხვებს, რაც საზოგადოებაში არსებობს. დავით გარეჯის თემა არის ეროვნული მნიშვნელობის საკითხი. კითხვებს ობიექტური და მიუკერძოებელი პასუხები უნდა გაეცეს და ეს გამოძიებამ უნდა გააკეთოს. საბოლოო გადაწყვეტილება კი, სასამართლომ უნდა მიიღოს. აქ ვერც ერთი პოლიტიკოსი, მათ შორის ვერც უმრავლესობის წევრი თავს ვერ მისცემს უფლებას, რომ ამ საქმეზე რაიმე გადაწყვეტილება მიიღოს. შესაბამისად, ჩვენი მხრიდან საკითხი პოლიტიკურ მოლაპარაკებებში არ განიხილება.

პატიმრობასთან დაკავშირებულ საკითხბეზე გადაწყვეტილება პოლიტიკოსებს შორის არ მიიღება – პარლამენტი ის ადგილი არ არის, სადაც უნდა წყდებოდეს, ვინ უნდა იყოს პატიმრობაში და ვინ – არა,“, – განაცხადა არჩილ თალაკვაძემ.

ცნობისთვის, პარტია „მოქალაქეების“ წევრები ალეკო ელისაშვილი და ლევან იოსელიანი პარლამენტში იმყოფებოდნენ, სადაც მმართველი პარტიიდან არჩილ თალაკვაძესა და მამუხა მდინარაძეს შეხვდნენ.

იტვირთბა....