“მთავარი არხის” გენერალურმა დირექტორმა, ნიკა გვარამიამ გადაცემა “დღის სტუმარში” საქართველოს პროკურატურის მიერ კარტოგრაფების საქმის ფარული ჩანაწერების გასაჯაროებასთან დაკავშირებით ისაუბრა.
გვარამიას განმარტებით, “ოცნებამ” სცადა ფარული ჩანაწერებით, რომელიც მისივე შეფასებით, “ბოდვაა” და არანაირ სამართლებრივ შინაარსა არ იძლევა, გადაეფარა, ის რომ სტრასბურგის გადაწყვეტილებას ქართველი ხალხი მიხეილ სააკაშვილის მთავრობასთან აკავშირებდა.
“ეს დღეს ზუსტად ამიტომ იყო, გადაფარვის მცდელობა იყო … არ ეგონათ რომ ასეთი ამხელა ამბავი აიწეოდა და არ ეგონათ, რომ ყველა პირდაპირ დააკავშირებდა ჩვენთან, მიშასთან, მიშას მთავრობასთან, თეა ბურჯალიანთან და სხვებთან… და არც გამოუვიდათ, რა მოგვასმენინეს, გაიგეთ რამე საერთოდ? არავითარ სამართლებრივ შინაარსს არ იძლევა საერთოდ, ბოდვაა. მაგისთვის გამოიყენეს, შეიძლება აბა სტრასბურგის გადაწყვეტილებას დაამთხვიო? მერე გამოაცხადე, ორი საათის მერე ან ხვალ, ახლა რომ ზეიმობენ, იძულებული არიან იზეიმონ, თუმცა არ გამოსდით, რადგან ყველა უკავშირებს, გვარამიას, ბურჯალიანს სააკაშვილს და ა.შ, მათ არავინ არ უკავშირებს ამ გამარჯვებას. ეს ქართველი ხალხის გამარჯვებაა და იყვნენ გამარჯვებული, როგორც ქართველი ხალხის ნაწილი” – განაცხადა ნიკა გვარამია “დღის სტუმარში”.
შეგახსენებთ, რომ დღეს პროკურატურამ საგანგებო ბრიფინგზე ე.წ. კარტოგრაფების საქმეზე საგამოძიებო მოქმედებების ფარგლებში მოპოვებული ფარული ჩანაწერები გაასაჯაროვა.