საქართველოში, ბოლო 24 საათის განმავლობაში კორონავირუსის 780 ახალი დადასტურებული შემთხვევა გამოვლინდა.
მთავრობის ადმინისტრაციის ცნობით, გასული დღე-ღამის განმავლობაში კოვიდ 19-ისგან 1 608 ადამიანი გამოჯანმრთელდა. საერთო ჯამში ვირუსისგან 232 993-მდე პაციენტი განიკურნა.
ხოლო ქვეყანაში, ბოლო 24 საათის განმავლობაში კორონავირუსის ინფიცირებისგან 17 ადამიანი გარდაიცვალა. გარდაცვლილთა რიცხვი კი 2 933-მდე გაიზარდა.
დღეს გამოვლენილი ახალი დადასტურებული შემთხვევებიდან ინფიცირების ყველაზე მეტი დედაქალაქში დაფიქსირდა.
მთავრობის ადმინისტრაციის ინფორმაციით ამ ეტაპზე ინფიცირების მიმდინარე აქტიური შემთხვევა 11 853-ია.
მათივე ცნობით, საკარანტინე სივრცეებში მოთავსებულია 472 ადამიანი. ამ ეტაპისთვის თვითიზოლაციაში კი 23 316 ადამიანი იმყოფება.
სულ 6 ოქტომბრიდან – 16 იანვრის პერიოდში, სახელმწიფო საზღვრიდან საკარანტინე სივრცეებში გადაყვანილია – 21 294 პირი.