“ვინ გეკითხებათ გახარია იქნება პარტიის თავმჯდომარე თუ კობახიძე?” – რა განცხადებას ავრცელებს ეკონომისტი სოციალურ ქსელში

“ოცნებამ დაამტკიცა უკვე, რომ გადაწყვეტილებას იღებს გუნდი და არა – ერთი კაცი,” – ამის შესახებ ეკონომისტი, ირაკლი ლატარია სოციალურ ქსელში წერს.

როგორც ეკონომისტი თავის პოსტში დასძენს, საქართველოს ისტორიაში პირველად ხდება, რომ ერთ ადამიანზე არ არის მიბმული ხელისუფლება.

“საქართველოს ისტორიაში პირველად ხდება, რომ ერთ ადამიანზე არ არის მიბმული ხელისუფლება.
მთავრობას ჰყავს თავისი დამოუკიდებელი მეთაური, დამოკიდებელი გადაწყვეტილებებით.
პარლამენტს, დამოუკიდებელი თავმჯდომარე და მმართველ პარტიასაც – თავისი.
ვერაფრით ამოვედით თვითკონტროლისაგან, სულ ვიღაცის ძებნისა და თითის გაშვერებისკენ ვართ.
ვინ გეკითხებათ გახარია იქნება პარტიის თავმჯდომარე თუ კობახიძე? აი ვინ? ეს, თქვენ ვერ წარმოგიდგენიათ, როგორ შეიძლება ხელისუფლების ყველა შტოს თავისი ინდივიდუალური ხელმძღვანელი ჰყავდეს, თორემ ოცნებამ დაამტკიცა უკვე, რომ გადაწყვეტილებას იღებს გუნდი და არა – ერთი კაცი.” – წერს ლატარია სოციალურ ქსელში.