ახალი ამბები მთავარი პოლიტიკა

“საჯარო სივრციდან დისტანცირება მიწევს”- რას წერს დავით უსუფაშვილი

პარტია “ლელოს” ერთ-ერთი ლიდერი, დავით უსუფაშვილი “ფეისბუქის” გვერდზე წერს, რომ გარკვეული დროით საჯარო სივრციდან დისტანცირდება.
უსუფაშვილი მიზეზად ჯანმრთელობის რეაბილიტაციას ასახელებს.
“გარკვეული ხნით რეალური და ვირტუალური საჯარო სივრციდან დისტანცირება მიწევს. საგანგაშო არაფერია, მაგრამ ცხოვრების არაადამიანური რეჟიმით დაზიანებული ჯანმრთელობის რეაბილიტაცია გადაუდებელი გახდა.
ბევრმა იცით, რომ ბოლო თვეებში სრული დატვირთვით მუშაობას ვეღარ ვახერხებდი. ვერც მძიმე პოლიტიკური კრიზისის თავიდან აცილებაში ვიაქტიურე სათანადოდ და ამით ბევრს იმედი გაგიცრუეთ.
ეს, და კიდევ 30 წლის განმავლობაში ქართული სახელმწიფოს ფეხზე ვერ დაყენებაში ჩემი წილი პასუხისმგებლობის განცდაა ის მთავარი სტიმულატორი, რომელიც მწყობრში მალე დაბრუნებას და საქმეში ბოლომდე დახარჯვას შემაძლებინებს. “ჩვენი მოწყენილი კარგი ქვეყნის” მალე გახარებას გისურვებთ!” – წერს დავით უსუფაშვილი.

ავიაბილეთები იაფად
იტვირთბა....