ახალი ამბები მთავარი პოლიტიკა საზოგადოება

“თუ ასეა, რას ელოდება? ბარებ ეგეც ექნა და ისე წასულიყო“ – რას წერს პოლიტოლოგი ივანიშვილის პოლიტიკიდან წასვლაზე

პოლიტოლოგი, გია ნოდია სოციალურ ქსელში “ქართული ოცნების” დამფუძნებლის, ბიძინა ივანშვილის პოლიტიკიდან წასვლასთან დაკავშირებით წერს.

ნოდია თავის პოსტში დასძენს, რომ გახარიამ, კობახიძემ, კალაძემ ერთმანეთი უნდა გააწონასწორონ და თუ ისინი ერთმანეთში დაიწყებენ ჩხუბს ბიძინა ივანიშვილს დაუწყებენ რეკვას.

“ბიძინას გადაწყვეტილების მოტივებზე სპეკულაციებში გახლართულებს ყურადღება არ მიგვიქცევია, ჩემი აზრით, საგულისხმო გარემოებაზე: მან გადაუხვია ადრინდელ (პირველ წასვლასა და მეორედ მოსვლას შორის პერიოდის) ტრადიციას, რომ პარტიის თავმჯდომარე ქვეყნის პრემიერ-მინისტრია (ღარიბაშვილი, კვირიკაშვილი). არავის გახსენებია, რომ ამჯერად ეს თანამდებობა გვახარიას „ეკუთვნოდა“.

რატომ მოხდა ეს? ერთი თეორია შეიძლება იყოს, რომ გახარიას არ ენდობა, მალე მოიშორებს, კობახიძე გახდება პრემიერი და ტრადიცია აღდგება. კონტრარგუმენტი: თუ ასეა, რას ელოდება? ბარებ ეგეც ექნა და ისე „წასულიყო.“

მეორე თეორია: წარსულიდან დასკვნები გამოიტანა და ჩათვალა, რომ პარტიაში შეკავებისა და გაწონასწორების მექანიზმი უნდა შექმნას. გახარიამ, კობახიძემ, კალაძემ ერთმანეთი უნდა გააწონასწორონ. შეიძლება სხვა, ნაკლებ ხილული ფიგურებიც იგულისხმებოდეს გამაწონასწორებლებში. ერთმანეთში რომ იჩხუბებენ, მას დაუწყებენ რეკვას (რომლის ტელეფონს უპასუხებს, ეს სხვა საკითხია).” – წერს გია ნოდია.

ავიაბილეთები იაფად
იტვირთბა....