“არსებობს ვაქცინები, რომელთა შენახვაც განსაკუთრებულ პირობებს ითხოვს”, – ამის შესახებ ჯანდაცვის კომიტეტის თავმჯდომარემ, დიმიტრი ხუნდაძემ განაცხადა.
მისივე თქმით, „ფაიზერის“ ვაქცინა არის ის, რომლის პირველ ეტაპზე მიღების შესაძლებლობაც საქართველოს აქვს.
„აქ საჭიროა (მინუს) -70 გრადუსი, შენახვის პირობების აუცილებლობა, ამის რესურსი ქვეყანას გააჩნია, თუმცა არა იმ რაოდენობით, რომ მთლიანად შევძლოთ ამ ტიპის ვაქცინის უზრუნველყოფა, შენახვა და შემდეგ მოსახლეობისთვის მიწოდება. ასეთი ინფრასტრუქტურა გვაქვს სამ ქალაქში – თბილისში, ქუთაისში და ბათუმში. დაახლოებით 100 ათას მოქალაქეზე საჭირო ვაქცინის შენახვის საშუალება. ეს არის დაახლოებით, 200 ათასი ვაქცინა, თუმცა სხვა მიმართულებითაც მიდის მუშაობა. პირობა რჩება ის, რომ აუცილებლად ჯანმოს (ჯანდაცვის მსოფლიო ორგანიზაცია) ავტორიზება უნდა ჰქონდეს ამ ვაქცინას, რომ იყოს შენარჩუნებული მისი მაღალი ხარისხი და რისკები მინიმალიზებული“, – განაცხადა დიმიტრი ხუნდაძემ.