ჯანდაცვის საკითხებში გაეროს მრჩეველი გიორგი ფხაკაძე კორონავრუსის გადატანის შემდგომ სიმპტობემზე საუბრობს. როგორც ფხაკაძე “ლაივმიმართვაში” აცხადებს, კოვიდგადატანილი მოქალაქეების 25%-ს დეპრესიული მდგომარეობა აღენიშნება.
ფხაკაძის თქმით, ამ კატეგორიაში მყოფ ადამიანებს აქვთ უძილობის პრობლემა.
“კვლევების მონაცემები მაქვს ნანახი, რომელიც ჯერ არ არის დაბეჭდილი, მაგრამ მალე დაიბეჭდება. იქ იყო საუბარი, რომ დაახლოებით 25% ადამიანების, ვინც გადაიტანა კოვიდი, კვლევა გვეუბნება, რომ რჩება დეპრესიული მდგომარეობა, ადამიანი კარგად ვერ იძინებს. ვითომ ხომ ყველაფერი კარგად არის, მაგრამ ძილში აქვს პრობლემა, ვერ იძინებს კარგად. მე არ ვიძახი, რომ ყველა, მაგრამ 100 ადამიანიდან, ვინც კოვიდი გადაიტანა 25 კარგად ვერ იძინებს. ასევე არის დეპრესიული მდგომარეობა ადამიანი დეპრესიაში ვარდება, არაფერი არ მოწონს, ყველას ეჩხუბება, ცუდ ხასიათზეა, ცუდ პოსტებს წერს”, – აცხადებს გიორგი ფხაკაძე.
ფხაკაძე ურჩევს მოქალაქეებს დღე-ღამეში იძინონ არანაკლებ 8 საათი, რადგან უძილობა ამცირებს ადამიანის შრომისუნარიანობას, მოქმედებს მის ხასიათზე და აუარესებს ჯანმრთელობის მდგომარეობას.
“ძილი არის ძალზედ მნიშვნელოვანი, დღეში 8 საათი უნდა დაიძინოთ. როცა ნაკლები ძილი გაქვს, იმუნური სისტემა ჩამოდის ქვევით, თქვენ არახართ ძლიერები, თქვენ საქმეს ვერ აკეთებთ. როცა უძილობა გაქვს, ეს მოქმედებს მთელს თქვენს სისტემაზე და სხვა დაავადებებზე. დეპრესია ისეთი რამაა, რომ ძალიან რთულია და ოჯახის წევრების, მეგობრების და ფსიქოლოგის დახმარებაა საჭირო”, – განაცხადა გიორგი ფხაკაძემ.