ჩხოროწყუში, სოფელ ლეწურწუმეში მამაკაცი მოკლეს. მომხდარს “მეტრონომს” შსს-ში დაუდასტურეს.
არსებული ინფორმაციით, მამაკაცი საკუთარმა შვილმა მოკლა.
შვილმა მამას ჭრილობა ცივი იარაღით, გულ-მკერდის არეში მიაყენა, შემდეგ კი თვითმკლელობა სცადა, თუმცა მისი გადარჩენა შეძლეს.
ამ დროისთვის ის მსუბუქი დაზიანებებით საავადმყოფოშია გადაყვანილი.
უწყების ცნობით, მომხდარზე გამოძიება სისხლის სამართლის კოდექსის 109-ე მუხლით მიმდინარეობს, რაც დამამძიმებელ გარემოში განზრახ მკვლელობას გულისხმობს.
