ანალიტიკოსი გია ხუხაშვილი ბიძნა ივანიშვილთან ურთიერთობას იხსენებს და აცხადებს, რომ თანამსრომლობაში აქტიურად იყო ჩართული. ამის შესახებ ხუხაშვილმა “კვირის პალიტრისთვის” მიცემულ ინტერვიუში განაცხადა.
ხუხაშვლის თქმით, ის ივანისვილს იმ პირობით ეთანამშრომლებოდა, რომ არჩევნების დასრულებისთანავე განზე გადგებოდა.
“პირველი ადამიანი, ვისაც ბიძინა ივანიშვილი შეხვდა პოლიტიკაზე სასაუბროდ, მე გახლდით. “მინდა მე და შენ დავიწყოთ” – ზუსტად მახსოვს ეს სიტყვები. სამი დღე ვუყურე ტელევიზორს და შენ აგარჩიეო. შევპირდი, დავეხმარებოდი, მაგრამ პოლიტიკაში არ შევიდოდი. მეორე დღიდანვე გავმართე კონსულტაციები იმ პოლიტიკურ ჯგუფებთან, ვისთან ერთადაც ბიძინა ბრძოლის დაგეგმვას აპირებდა. პირველი შეხვედრა გავმართე რესპუბლიკელებსა და “თავისუფალ დემოკრატებთან”. საჯარო მონაწილეობაზე თავიდანვე უარი მქონდა ნათქვამი, მაგრამ კულისებში ძალიან აქტიურად ვიყავი ჩართული.
პირველი ნაბიჯები ნამდვილად მე გადავდგი კოალიციის ფორმირებაში. შემდეგ ვიფიქრე, კულისებში ყოფნა სწორი აღარ იქნებოდა და საჯაროდ ჩავერთე საქმეში. დღეს აღარავის ახსოვს და შეთქმულების თეორიებს აწყობენ, მაგრამ მე მაშინვე ვთქვი, რომ არჩევნების დასრულებისთანავე გავდგებოდი განზე. სამწუხაროდ, არჩევნები მოვიგეთ. ჩემი ერთ-ერთი ყველაზე დიდი შეცდომა ის იყო, რომ დროულად ვერ მოვახერხე განზე გადგომა,”- განაცხადა ხუხაშვილმა.
ხუხაშვილმა ივანიშვილსა და მას შორის დაპირისპირების მიზეზეც ისაუბრა და განაცხადა, რომ მიუხედავად მადლიერებისა, ბიძინა ივანიშვილი მისთვის მნიშვნელოვან და შეუფასებელ ღირებულებებს აზიანებს, ამიტომ იძულებულია აკრიტიკოს.