“იგეგმება თუ არა საქართველოში სრული „ლოქდაუნის“ გამოცხადება?” – რა განცხადებას ავრცელებს პაატა იმნაძე

დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე სრული ლოკდაუნის გამოცხადების შესახებ ჟურნალისტების კითხვებს პასუხობს.

როგორც იმნაძემ აღნიშნული საკითხის კომენტირებისას განაცხადა, –  „მსგავსი არაფერი განიხილება, ვრცელდება ჭორები და ეს ყველაფერი სიმართლეს არ შეესაბამება“.

„სამწუხაროდ, ამ ქვეყანაზე ბევრი ადამიანია, რომელიც ჭორების გავრცელებით არის დაკავებული და დაახლოებით, ასეთი პრინციპით არის, რაც უარესი მით უკეთესი. არაფერი არ განიხილება მსგავსი. განიხილება ის, რაც იყო გამოცხადებულია თავიდან, საუბარია ორთვიან გეგმაზე. ყველაფერი გაკეთდება ამ გეგმის მიხედვით“, – განაცხადა პაატა იმნაძემ.