ახალი ამბები მთავარი პოლიტიკა საზოგადოება

შალვა ნათელშვილმა სახელმწიფოს 67 000 ლარი უკან გადაურიცხა

„ლეიბორისტულმა პარტიამ“ სახელმწიფო ბიუჯეტს უკან გადაურიცხა 67 000 ლარი. მოვითხოვთ, რომ ეს 67 000 ლარი დაიხარჯოს უფასო სასადილოების ბენეფიციართა გამოკვებაზე, რომლებიც წლებია, ქრონიკულად შიმშილობენ,” – ამის შესახებ პარტიის ლიდერმა, “შალვა ნათელაშვილმა დღეს გამართულ ბრიფინგზე განაცხადა.

ნათელშვილის განმარტებით, თანხა, რომელიც სახელმწიფოს გადაურიცხა უნდა გაეცათ ე.წ. ხელფასებისათვის ნულოვან უბნებზე, სადაც მისი თქმით, ლეიბორისტულ პარტიას რეჟიმმა არჩევნები უსირცხვილოდ გაუყალბა.

„სამწუხაროდ, ჩვენმა ხელისუფლებამ შობა-ახალი წელიც გადააქცია შიმშილის დღესასწაულად, რა დღეშია ხალხი, ამას კარგად ვხედავთ.მე არამარტო უარი ვთქვი ჩემს ე.წ. სადეპუტატო ხელფასზე, არამედ დღეს „ლეიბორისტულმა პარტიამ“ სახელმწიფო ბიუჯეტს უკან გადაურიცხა 67 000 ლარი, რომელიც უნდა გაგვეცა ე.წ. ხელფასებისათვის ნულოვან უბნებზე, ანუ უბნებზე, სადაც რეჟიმმა გაგვიყალბა არჩევნები ურცხვად, არ დაგვიწერა არცერთი ხმა ან ჩვენმა წარმომადგენლებმა გვიღალატეს.

მე მოვითხოვ, ეს 67 000 ლარი დაიხარჯოს უფასო სასადილოების ბენეფიციართა გამოკვებაზე, რომლებიც წლებია, ქრონიკულად შიმშილობენ. სხვათა შორის, ქალბატონი საკრებულოს დეპუტატი რიმა ბერიძე, რომელიც გვიმტკიცებდა, რომ 1,18 თეთრი სრულიად კალორიულია და საკმარისია ხალხისათვის გამხდარა საქართველოს პარლამენტის წევრი. ხედავთ ვის აწინაურებს ბიძინა ივანიშვილი და ვინ უნდა პარლამენტში, ვინც ხალხს შიმშილით დახოცავს.

ამ დროს მმართველი პარტია  „ქართული ოცნება“ უფრო სწორად „ქართული ოცნებების მსხვრევა“ აგრძელებს ბიუჯეტის ჭამას, მათ შორის პარტიული ხაზით  და 2012 წლიდან დღემდე პარტიულ ხელფასებზე, პარტიულ დაფინანსებაზე, ფრაქციულ დაფინანსებაზე 240 მილიონი აქვს შეჭმული პირდაპირი გაგებით.

240 მილიონი ამ გაუბედურებულ ქვეყანაში ისეთი თანხაა, რომელსაც თუ გაუშვებეთ ადამიანურად საზოგადოების საჭიროებისათვის არ გვეყოლებოდა არცერთი ჩვილი ბავშვი მკვდარი,არ იქნებოდა 70 ათასი სტუდენტი განთესილი უმაღლესი სასწავლებლებიდან, რომლითაც საშუალო, საჯარო სკოლებში ყველა ბავშვს ექნებოდა დღეში ერთჯერადი უფასო კვება“, – განაცხადა შალვა ნათელაშვილმა

ავიაბილეთები იაფად
იტვირთბა....

სხვა ამბები

ჟორჟოლიანი: ძალიან კარგო ბიჭო, ცოტას ვიცნობ შენზე სწორ ადამიანს სიგიჟე ნარევი ხასიათით

ბუღაძე კალაძის პრეზენტაციას აფასებს: მთაწმინდიდან მოდიოდა ოთხი…

ხოშტარია: გთავაზობთ მართვის მოდელს, სადაც იქნება იდეების და არა კუნთების ჭიდილი

მაჭარაშვილი მიკროფონის წართმევაზე: წულუკიანის მოქმედება ზომიერი და ადეკვატური იყო

ლომჯარია: მედიას მოვუწოდებ, ინფორმაციის მოპოვებისა და საკითხის გაშუქების დროს პატივი სცენ ბავშვების პირადი ცხოვრების ხელშეუხებლობას

მელია: დადგა დრო, არამხოლოდ თბილისში, არამედ მთელ საქართველოში იყოს კოალიციური მმართველობა