ოკუპირებული აფხაზეთის დე ფაქტო პრეზიდენტი ასლან ბჟანია სოხუმის აეროპორტის ამუშავების თარიღს ასახელებს. როგორც ტელეკომპანია „RT“-სთან ინტერვიუში განაცხადა, აეროპორტი ორ წელიწადში ამუშავდება.
„საკითხი, რომელიც დაკავშირებულია სოხუმის აეროპორტის აღდგენასთან და ექსპლუატაციის დაწყებასთან, ჩვენთვის უმნიშვნელოვანესია. რუსეთის ტრანსპორტის მინისტრთან ამ საკითხზე ძალიან თბილი და პროდუქტიული შეხვედრა გვქონდა. ვიტყოდი, რომ აღფრთოვანებული ვიყავი ამ შეხვედრით“ – განაცხადა ბჟანიამ.
როგორც მან აღნიშნა, ამას შეიძლება დასჭირდეს ორი წელი.