„ეს კიდევ ერთი მიზეზია იმისა, რომ მეორე ტალღა ასეთი ძლიერი არ უნდა ყოფილიყო. რაც უფრო მეტი ინფექცია, მით უფრო სავარაუდოა, რომ მას უფრო საშიში მუტაციები მოჰყვება. ეს ერთგვარი ჩაკეტილი წრეა: რაც უფრო მეტი ინფექციაა, მით მეტი ახალი შტამის წარმოქმნის შესაძლებლობა იქმნება. ასე გრძელდება და გრძლედება“, – ამის შესახებ გერმანელი ეპიდემიოლოგი კარლ ლაუტერბრაქი გერმანულ გამოცემა Sonntag-თან საუბრისას აცხადებს.
დიდი ბრიტანეთის ჯანდაცვის მინისტრის, მეთ ჰენკოკის განცხადებით, ქვეყნის დაახლოებით 60 სხვადასხვა მუნიციპალიტეტში აღმოჩენილია შემთხვევები, რომელიც, სავარაუდოდ, კოვიდ-19-ის ახალი ფორმით არის გამოწვეული.
ცნობისათვის, ჯანდაცვის მსოფლიო ორგანიზაციამ დაადასტურა, რომ კოვიდ-19-ის ახალი სახეობა, რომელიც დიდ ბრიტანეთში აღმოაჩინეს, უფრო გადამდებია.