“ნებისმიერი ვაქცინის გვერდითი რეაქცია მოსალოდნელი შეიძლება იყოს”, – ამის შესახებ აშშ-ის ალერგიისა და ინფექციური დაავადებების ეროვნული ინსტიტუტის დირექტორმა, ენტონი ფაუჩიმ განაცხადა.
როგორც “CNN”-ი ფაუჩის განცხადებაზე დაყრდნობით წერს, ალასკის შტატში სამედიცინო მუშაკისთვის გაკეთებულმა ვაქცინამ უარყოფითი რეაქცია გამოავლინა.
„მას შემდეგ, რაც ვაქცინა ფართოდ გაეშვება, საუბარია ათობით და ასობით მილიონ დოზაზე. ასე რომ, შეიძლება ისეთი რეაქციები დავინახოთ, რომელიც კლინიკური კვლევების ფარგლებში არ დაფიქსირდა“, – აღნიშნა ენტონი ფაუჩიმ.