პენსიის ინდექსაციის მექანიზმი ამოქმედდა – ეს არის პენსიების ყოველწლიური ზრდის წესი და მკაფიოდ განსაზღვრავს პენსიის ყოველწლიურ მატებას. ამის შესახებ ინფორმაციას საქართველოს მთავრობა ავრცელებს.
მთავრობს ინფორმაციით, 2020 წელს პენსიები გაიზარდა 20 ლარით, ხოლო 70 წელს გადაცილებული პენსიონერებისთვის – 50 ლარით.
პენსიები იზრდება 2021 წლიდანაც – მინიმუმ 20 ლარით, 70 წელზე მეტი ასაკის პენსიონერებისთვის მინიმუმ 25 ლარით.
როგორც მთავრობის ადმინისტრაციაში განმარტავენ, ფასების ზრდა აღარ გამოიწვევს პენსიის მსყიდველუნარიანობის შემცირებას, რადგან ქვეყნის ეკონომიკურ მაჩვენებლების გათვალისწინებით ზრდა ყოველწლიურად გაგრძელდება.
