ახალი ამბები მთავარი პოლიტიკა

თურქეთიდან ჩინეთში მიმავალი საექსპორტო მატარებელი ახალქალაქში გაჩერდა

თურქეთიდან ჩინეთში მიმავალი პირველი საექსპორტო მატარებელი, რომელიც ბაქო-თბილისი-ყარსის რკინიგზას გადის, ახალქალაქში გაჩერდა. აღნიშნულ ინფორმაციას ეკონომიკის სამინისტრო ავრცელებს.

ეკონომიკის სამინისტროს ინფორმაციით, მატარებელი საქართველოში 8 დეკემბერს, გვიან საღამოს, შემოვიდა, რომელიც თურქეთის ქალაქ სტამბოლიდან 4 დეკემბერს დაიძრა. მატარებელი საქართველოდან აზერბაიჯანისა და ყაზახეთის გავლით ჩინეთში, ქსიანის პროვინციაში ჩავა.

როგორც უწყებაში აცხადებენ, მატარებელი, რომელიც ჩინეთის სიანის პროვინციაში უნდა ჩავიდეს შუა სარკინიგზო დერეფნის გავლით(რომლის შემადგენელია ბაქო – თბილისი – ყარსის სარკინიგზო გადასასვლელი) 8 693 კილომეტრს 12 დღეში დაფარავს. შემადგენლობა თურქეთში წარმოებული საყოფაცხოვრებო ტექნიკით არის დატვირთული.

“საქართველოზე გამავალი ბაქო – თბილისი – ყარსი არის ახალი სარკინიგზო მარშრუტი იმ დერეფნის ლოგისტიკური ნაწილია, რომელიც ევროპასა და აზიას ერთმანეთთან აკავშირებს. ეს სარკინიგზო ხაზი სატესტო რეჟიმში 2017 წლიდან მოქმედებს. 2020 წლის იანვარ-ოქტომბრის პერიოდში შუა დერეფანზე ჩინეთიდან/კენ საქართველოს გავლით გადაზიდულმა კონტეინერების რაოდენობამ შეადგინა 2343 TEU, რაც 2019 წლის ანალოგიურ პერიოდთან შედარებით 35.1%-ით მეტია (1734 TEU). მათ შორის 2020 წლის იანვარ-ოქტომბრის პერიოდში BTK-თი გადაიზიდა 1260 TEU, რაც 2019 წლის ანალოგიურ პერიოდთან შედარებით 371.9%-ით მეტია (267 TEU) საქართველოზე გამავალი დერეფანი გამოირჩევა არამხოლოდ გეოგრაფიული მდებარეობით გამოწვეული უპირატესობით, არამედ განვითარებული ინფრასტრუქტურითა და ინსტიტუციური სისტემით. ამასთან, დერეფნის განვითარება არ არის მხოლოდ ინფრასტრუქტურის მოწყობა – მას თან უნდა ახლდეს გამარტივებული და გაციფროვნებული საბაჟო და საზღვრის კვეთის პროცედურები, რაც ჩვენს უპირობო უპირატესობას წარმოადგენს. ამას ემატება საქართველოში მიწოდების ჯაჭვის დივერსიფიკაციის შესაძლებლობები, რომელიც გამოიხატება საზღვაო, სახმელეთო და სარკინიგზო კავშირების არსებობით მეზობელ ქვეყნებთან. ამასთან, დაწყებულია მუშაობა ქვეყნის შიგნით არსებული სატრანსპორტო სისტემების (მათ შორის, პორტების) და ამავდროულად სატრანსპორტო დერეფნის გაციფროვნების საკითხებზე. ზემოხსენებული პროექტები და აქტივობები მნიშვნელოვანია საქართველოზე გამავალი სატრანსპორტო დერეფნების კონკურენტუნარიანობის ამაღლების მიზნით“,-აღნიშნულია ეკონომიკისა და მდგრადი განვითარების სამინისტროს მიერ გავრცელებულ ინფორმაციაში.

ბაქო – თბილისი – ყარსის რკინიგზაზე ჩინეთის მიმართულებით ტვირთის ტრანსპორტირება პირველად ხორციელდება. როგორც ეკონომიკის სამინისტროსი აღნიშნავენ, აღნიშნული მოვლენა უპრეცედენტოა, რადგან აქამდე შუა სატრანსპორტო დერეფნის მეშვეობით, ტვირთები ჩინეთიდან ევროპის მიმართულებით მიემართებოდა.

ავიაბილეთები იაფად
იტვირთბა....

სხვა ამბები

გერმანიის საზღვაო ძალების ვიცე-ადმირალი თანამდებობიდან გადადგა

ვემიჯნებით საზღვაო ძალების უფროსის განცხადებას საქართველოზე – გერმანიის მთავრობა

წულუკიანი: ლიტერატურის მუზეუმს ავტორების წინაშე ბოდიში აქვს მოსახდელი

წულუკიანი: არა მხოლოდ კალანდაძის 2 ლექსი, დარიანს მიაკუთვნეს ასევე, რობაქიძის, ანა ახმატოვას და ლესია უკრაინკას ლექსებიც

წულუკიანი: ეს აქცია იყო ერთი დიდი ანეკდოტი

უცხოური მედიის ცნობით, გერმანია მზადაა უკრაინიდან საელჩოს წარმომადგენლების ევაკუაცია დაიწყოს